Wɔyɛ be ni sa kadimɔ waa mli. Yehowa miihã wɔmiinu nibii ni yɔɔ Biblia lɛ mli lɛ ashishi jogbaŋŋ fe be fɛɛ ni eho. (Dan. 12:4) Shi bei komɛi lɛ, ewa kɛhã wɔ akɛ wɔbaana tsakemɔi ni afee yɛ Biblia mli anɔkwalei lɛ ekomɛi ahe. Nɛgbɛ wɔbaanyɛ wɔna tsakemɔi nɛɛ kɛ bɔ ni agbála mli ahã lɛ yɛ?

• Kɛ́ okwɛ Niiamlitaomɔ Wolo Kɛhã Yehowa Odasefoi lɛ mli lɛ, obaana saji ni afee tsakemɔi yɛ mli lɛ fioo komɛi yɛ jɛmɛ. Yaa “Yehowa Odasefoi,” ni no shishi lɛ taomɔ “Susumɔi Kɛ Hemɔkɛyelii,” ni no hu shishi lɛ, taomɔ “Wɔhemɔkɛyelii Amlitsɔɔmɔ.”

• Kɛ́ okwɛ saneyitso ni ji “Beliefs Clarified,” ni yɔɔ Watch Tower Publications Index lɛ mli lɛ, obaana tsakemɔi fɛɛ ni afee lɛ, kɛ afi nɔ ni afee lɛ yɛ jɛmɛ. Kɛ́ ogbele Watchtower Library lɛ, loo otee Watchtower ONLINE LIBRARY^™ lɛ nɔ, ni otswa “understanding clarified” owo akrabatsa ni akɛtaoɔ nii lɛ mli, ni okɛ okadii nɛɛ (“”) wo he lɛ, obaana ni ato saji srɔtoi ni afee tsakemɔi yɛ mli lɛ anaa yɛ jɛmɛ.

Kɛ́ oofee aŋkro nikasemɔ lɛ, obaanyɛ okɔ tsakemɔi ni afee nyɛsɛɛ nɛɛ eko, ni otao Ŋmalɛ naa yiŋtoi ahewɔ ni afee nakai tsakemɔ lɛ.