Kristofoi Asuɔmɔ—Efe Wiemɔ Folo Kɛkɛ

BARTHOLOMEW weku lɛ laaje amɛ nibii fɛɛ, ja amɛwala pɛ, beni la shã amɛshia lɛ wɛlɛŋŋ yɛ Trinidad lɛ. Wekunyo ko ni bɛŋkɛ amɛ lɛ nyɛ eha amɛbahi emasɛi, shi sane lɛ waaa jɛmɛ.

Olive Bartholomew ji Yehowa Odasefoi lɛ ateŋ mɔ kome, ni asafo mli ni eyɔɔ lɛ mli bii—kɛ mɛi ni bɛŋkɛ jɛmɛ lɛ—bɔi onia tsumɔ koni amɛsaa amɛma lɛ kɛ eweku lɛ shia ni efite lɛ ekoŋŋ. Ato ajinafoi akuu ko he gbɛjianɔ koni amɛkwɛ tsũ ni abaama ekoŋŋ lɛ nɔ, kɛkɛ ni aje emaa shishi. Aaafee Odasefoi 20 kɛ akutsoŋbii komɛi fata he kɛtsu nii lɛ. Gbekɛbii po fata he, ni yɛ nakai beaŋ nɔŋŋ lɛ mɛi krokomɛi yɛ jɛmɛ ni haa amɛ niyenii.

Taakɛ aŋma yɛ Trinidad Sunday Guardian wolo lɛ mli lɛ, Olive kɛɛ akɛ: “Miweku lɛ ahe jɔ̃ amɛhe. Jeee Odasefoi ji amɛ, ni miwu naa ekpɛ ehe lolo yɛ nɔ ni ena lɛ hewɔ.”

Beni tsumaa nɔkwɛlɔ lɛ muaa sane lɛ naa lɛ, ema nɔ mi akɛ, nɛkɛ nifeemɔ nɛɛ tsɔɔ anɔkwa kadimɔ nii ni akɛyɔseɔ anɔkwa Kristojamɔ. Ekɛɛ akɛ: “Wɔyaaa shia kɛ shia wɔyawieee suɔmɔ he kɛkɛ. Wɔbɔɔ mɔdɛŋ ni wɔtsu nɔ ni wɔshiɛɔ lɛ he nii.”—Yohane 13:34, 35.

[Mfoniri ni yɔɔ baafa 32]

Olive Bartholomew kɛ ewu