‘Nyɛdaa Yehowa Odasefoi lɛ Ashi yɛ Jamɔ Mli Heyeli Hewɔ’

SANE ko ni aŋma awo USA Today adafitswaa wolo lɛ mli lɛ kɛɔ akɛ: “Dani obaaŋa shinaa ko yi owo Yehowa Odasefonyo ko lɛ, mɛɛ fioo ni osusu bɔ ni amɛna nɔ̃ yɛ heguɔgbee yiwaa mli nyɛsɛɛ nɛɛ lɛ he, kɛ agbɛnɛ hu bɔ ni amɛye amɛbua waa yɛ Klɛŋklɛŋ Mla Hiɛtsakemɔ kpee ni afee kɛha heyeli, ni wɔteŋ mɔ fɛɛ mɔ náa mli ŋɔɔmɔ lɛ he.” Awa Yehowa Odasefoi ayi yɛ United States yɛ afi 1940 afii lɛ amli fɛɛ, ni nɔ ni fata he ji aflaŋaa ni amɛŋaaa lɛ hewɔ.—2 Mose 20:4, 5.

Akɛ afii enumɔ ye Yehowa Odasefoi asaji 30 yɛ U.S. Kojomɔhe Wulu Fe Fɛɛ lɛ, kɛjɛ afi 1938 kɛyashi afi 1943. Nɔ ni aŋma lɛ tsɔɔ akɛ: “Odasefoi ji mɛi titri ni tée saji ni he hiaa waa shi yɛ Klɛŋklɛŋ Mla Hiɛtsakemɔ kpee ni afee lɛ mli aahu akɛ Kojolɔ Harlan Fiske Stone ŋma akɛ: ‘Esa akɛ ajie Yehowa Odasefoi lɛ ayi yɛ yelikɛbuamɔ ni amɛkɛha ni akɛtsu mla he naagbai ni kɔɔ maŋbii aheyeli namɔ he nii lɛ hewɔ.’”

Enɛ hewɔ lɛ, be ni amuɔ sane lɛ naa yɛ wolo lɛ mli lɛ, ejaje akɛ: “Esa akɛ jamɔi lɛ fɛɛ ada Yehowa Odasefoi lɛ ashi yɛ bɔ ni alɛɛ [jamɔ] mli heyeli mli lɛ hewɔ.”

[Hei ni Mfonirii ni yɔɔ baafa 32 lɛ Jɛ]

Background, building: Photo by Josh Mathes, Collection of the Supreme Court of the United States; lower left, justices: Collection of the Supreme Court of the United States