Daa Afi Kpee October 6, 2001

DAA AFI KPEE ni Watch Tower Bible and Tract Society of Pennsylvania lɛ mli bii lɛ feɔ lɛ baaba nɔ yɛ October 6, 2001, yɛ Assembly Hall of Jehovah’s Witnesses, 2932 Kennedy Boulevard, Jersey City, New Jersey. Abaafee emli bii lɛ pɛ kpee kɛtsɔ hiɛ leebi 9:15, ni no sɛɛ lɛ daa afi kpee ni mɛi krokomɛi fɛɛ fata he lɛ baaba nɔ yɛ leebi 10:00 a.m.

Esa akɛ corporation loo nitsumɔ lɛ mli bii lɛ atswa Woloŋmalɔ lɛ Nitsumɔhe lɛ adafi yɛ amɛ adrɛs ni ekolɛ etsake yɛ nyɛsɛɛ afi lɛ mli lɛ he koni woji ni akɛmajeɔ amɛ ni kɔɔ adafitswaa kɛ mɛi ni amɛbaasumɔ ni amɛye amɛnajiaŋ lɛ he lɛ ashɛ amɛdɛŋ yɛ July mli.

Esa akɛ amɛha mɛi ni baaye amɛnajiaŋ lɛ ahe woji ni akɛbaafata daa afi kpee lɛ he lɛ adafitswaa he akɛmaje amɛ lɛ ashɛ Asafo lɛ Woloŋmalɔ lɛ Nitsumɔhe lɛ dani August 1 aho. Esa akɛ kpee lɛ mli bii lɛ ateŋ mɔ fɛɛ mɔ aŋmala woji ni ekɛtsɔɔ mɔ ni baaye enajiaŋ lɛ mli ni ekɛmaje mra, koni akɛtsɔɔ kɛji lɛ diɛŋtsɛ ebaaba kpee lɛ loo enyɛŋ eba. Esa akɛ adafitswaa ni akɛmajeɔ yɛ enɛ he lɛ ama oti nɛɛ nɔ mi pɔtɛɛ, ejaakɛ abaadamɔ no nɔ ni akɛna mɛi pɔtɛɛ ni baaba kpee lɛ.

Aakpa gbɛ akɛ abaagbe kpee muu lɛ fɛɛ, ni nitsumɔ hesusumɔ kɛ amaniɛbɔi akanemɔ hu fata he lɛ naa aaafee shwane 1:00 loo yɛ no sɛɛ nɔŋŋ. Afeŋ kpee lɛ eko yɛ shwane mli. Akɛni jɛmɛ edaaa tsɔ hewɔ lɛ, mɛi ni abaaha amɛba jɛmɛ ji mɛi ni yɔɔ tikiti pɛ. Atoŋ gbɛjianɔ koni atsɔ tɛlifoŋ nɔ akɛ kpee lɛ mli nifeemɔi lɛ atsa kɛya kpeehei krokomɛi.