Jeŋba Kpakpa He Yijiemɔ Wolo

NO JI nɔ ni Association of Congolese and African Journalists for the Development (AJOCAD) ni yɔɔ Democratic Republic of Congo lɛ kɛhaa koni “ekɛjie aŋkroaŋkroi loo maŋ kui ni haa esoroɔ amɛ kɛtsɔ yelikɛbuamɔ ni amɛkɛhaa kɛha nɔyaa yɛ [the Congo] lɛ ayi.”

Akɛ Jeŋba Kpakpa He Yijiemɔ Wolo lɛ ha Yehowa Odasefoi yɛ November 17, 2000 yɛ “yelikɛbuamɔ ni amɛkɛha aŋkroaŋkroi ni ji Congobii lɛ anɔyaa [kɛtsɔ] wolokasemɔ kɛ nitsɔɔmɔ ni yɔɔ amɛwoji lɛ amli lɛ nɔ lɛ” hewɔ.

Beni Kinshasa adafitswaa wolo Le Phare lɛ wieɔ juromɔnɔ lɛ he lɛ, ekɛɛ akɛ: “Ewa akɛ ooona Congonyo ko ni kaneko Buu-Mɔɔ kɛ Awake! woji tɛtrɛbii lɛ loo woji krokomɛi ni Yehowa Odasefoi kala lɛ. Shihilɛ mli nibii srɔtoi fɛɛ ji nɔ ni nɛkɛ woji tɛtrɛbii nɛɛ [gbaa he sane].” Sane ni aŋma lɛ tsɔɔ hu akɛ woji lɛ tsɔɔ “bɔ ni aaafee atsu ŋmɛnɛŋmɛnɛ naagbai ahe nii” ni etsɔɔ “shishinumɔ diɛŋtsɛ ni yɔɔ saji ni baa amrɔ nɛɛ asɛɛ.” Awake! wolo tɛtrɛɛ lɛ eko fɛɛ eko “kɛ ehe wooo maŋkwramɔŋ saji amli kwraa ni ewooo hewolonɔ su ko nɔ yɛ ekroko nɔ.” Kɛfata he lɛ, nɔ ni woji lɛ kɛtsɔseɔ mɛi ji “hekɛnɔfɔɔ ni aaaná yɛ jeŋ ni toiŋjɔlɛ kɛ shweshweeshwe shihilɛ yɔɔ mli ni etsɛŋ ni baaye ŋmɛnɛŋmɛnɛ nibii agbɛjianɔtoo fɔŋ ni yeee mla nɔ lɛ najiaŋ ní Bɔlɔ lɛ kɛ ehe shiwoo eha lɛ.”

Taakɛ AJOCAD lɛ tsɔɔ lɛ, Yehowa Odasefoi awoji lɛ he eba sɛɛnamɔ diɛŋtsɛ kɛha Congobii lɛ ateŋ mɛi babaoo. Akɛni amɛshɛɛ sane ni kɛ hiɛnɔkamɔ haa mɔ lɛ yɔɔ wiemɔi ohai abɔ mli hewɔ lɛ, ehe baanyɛ aba sɛɛnamɔ kɛha bo hu.

Ofainɛ ni okane sane ni yɔɔ shishigbɛ nɛɛ koni ole nɔ ni obaanyɛ ofee ni amɛhe aba sɛɛnamɔ kɛha bo.