Amɛkɛ Nyɔŋmɔ Gbɛi lɛ Tsuɔ Nii yɛ Central Africa

ADESAI ateŋ mɛi ni fa ni yɔɔ Central Africa lɛ heɔ Nyɔŋmɔ nɔ amɛyeɔ. Amɛkpɛlɛɔ nɔ akɛ lɛ ji nibii fɛɛ a-Bɔlɔ. (Kpojiemɔ 4:11) Shi kɛlɛ, taakɛ mɛi pii ji yɛ hei krokomɛi lɛ, bei pii lɛ amɛbuuu lɛ diɛŋtsɛ egbɛi, ni ji—Yehowa lɛ.

Gbɔmɛi ni yɔɔ Central Africa lɛ kɛ je lɛŋ hei krokomɛi hu lɛ tsɛɔ Nyɔŋmɔ gbɛi lɛ yɛ be mli ni amɛkɛɔ “Ogbɛi lɛ he atse,” yɛ Nuntsɔ lɛ Sɔlemɔ lɛ mli lɛ. (Mateo 6:9, King James Version) Shi mɛi fioo pɛ le nakai gbɛi lɛ be saŋŋ nɛ. Shi kɛlɛ, yɛ afii abɔ ni eho lɛ amli lɛ, Yehowa Odasefoi ashiɛmɔ nitsumɔ ni ekãa yɔɔ mli lɛ etsake gbɔmɛi asubaŋ yɛ Nyɔŋmɔ gbɛi lɛ kɛ nitsumɔ he. Ŋmɛnɛ, ale Nyɔŋmɔ gbɛi lɛ ni akpɛlɛɔ nɔ yɛ Afrikabii awiemɔi babaoo amli, tamɔ Zulu (uJehova), Yoruba (Jehofah), Xhosa (uYehova) kɛ Swahili (Yehova). Ni kɛlɛ, mɛi ni tsɔɔ Biblia lɛ shishi yɛ nɛkɛ wiemɔi nɛɛ amli lɛ ateŋ mɛi pii kã he amɛkɛ Nyɔŋmɔ gbɛi lɛ tsuuu nii.

Shishitsɔɔmɔ ko ni ja ni kɛ Nyɔŋmɔ gbɛi lɛ tsu nii ji Biblia ni yɔɔ Zande mli, ni ji wiemɔ ni awieɔ yɛ Central African Republic fãi komɛi, Sudan, kɛ Democratic Republic of Congo lɛ mli. Yɛ nakai je lɛ fã lɛ mli lɛ, mɛi kɛ Nyɔŋmɔ gbɛi lɛ tsuɔ nii, amɛtsɛɔ lɛ Yekova yɛ amɛmaŋ wiemɔ lɛ mli. Ekɔɔɔ he eko bɔ ni Nyɔŋmɔ gbɛi lɛ jeɔ kpo yɛ maŋ ko nɔ wiemɔ mli ha lɛ, ehe miihia ni akɛtsu nii. Mɛni hewɔ? Ejaakɛ “mɔ fɛɛ mɔ ni aaabo atsɛ́ [Yehowa, NW] gbɛi lɛ, aaahere eyiwala.”—Romabii 10:13.

[Shikpɔŋ he mfoniri/Mfoniri ni yɔɔ baafa 32]

(Kɛ́ ootao ona bɔ ni saji nɛɛ ji diɛŋtsɛ lɛ, no lɛ kwɛmɔ wolo lɛ mli)

SUDAN

CENTRAL AFRICAN REPUBLIC

DEMOCRATIC REPUBLIC OF CONGO

[He ni Sane lɛ Jɛ]

The Complete Encyclopedia of Illustration/J. G. Heck