Yinɔsane Mli Nifeemɔ ko ni He Hiaa Fe Fɛɛ

NO JI Yesu Kristo gbele lɛ. Mɛni hewɔ ni ehe hiaa waa nakai? Yɛ yiŋtoi babaoo ahewɔ.

Emuuyeli mli ni Yesu hiɛ kɛtee gbele mli lɛ ma nɔ mi akɛ adesa baanyɛ ahiɛ emuuyeli mli eha Nyɔŋmɔ.

Kristo gbele lɛ kɛ hegbɛ ha mɛi komɛi koni amɛbatsɔmɔ ehefatalɔi nɔyelɔi yɛ ŋwɛi. Egbele gbɛ hu kɛha mɛi babaoo hu koni amɛná naanɔ wala mli miishɛɛ yɛ shikpɔŋ nɔ paradeiso mli.

Gbi gbɛkɛ dani Yesu gbo lɛ, ekɛ akpiti aboloo kɛ wein tsuru tsu nii ákɛ adesa afɔleshaa ni ekɛha yɛ suɔmɔ mli lɛ he okadii. Kɛkɛ ni ekɛɛ ekaselɔi lɛ akɛ: “Nyɛfea enɛ ni nyɛŋɔkai mi.” (Luka 22:19) Ani obaakai nɛkɛ nifeemɔ ni he hiaa nɛɛ?

Yehowa Odasefoi kɛ miishɛɛ miifɔ̃ bo nine ni obafata amɛhe ni akɛye Yesu gbele lɛ Kaimɔ lɛ. Gbi ni abaaye afi nɛɛ kaimɔ he gbi jurɔ lɛ ji Soo, March 28, yɛ hulushinyɔɔ sɛɛ. Obaanyɛ oya yɛ Maŋtsɛyeli Asa ni bɛŋkɛ oshia fe fɛɛ lɛ nɔ. Ofainɛ, bi Yehowa Odasefoi ni yɔɔ okutso lɛ mli lɛ kɛha be pɔtɛɛ kɛ he ni abaafee yɛ.