Suɔmɔ ni Hi Fe Fɛɛ Eko

YƐ SHIHILƐ ni ba ni aŋmala yɛ Kristofoi a-Hela Ŋmalɛi lɛ loo Kpaŋmɔ Hee lɛ mli lɛ ateŋ babaoo mli lɛ, wiemɔ ni ji “suɔmɔ” lɛ ji nɔ ni atsɔɔ shishi kɛjɛ Hela wiemɔ a·gaʹpe lɛ mli.

Beni Insight on the Scriptures * wolo ni akɛtaoɔ saji amli lɛ tsɔɔ nakai wiemɔ lɛ shishi lɛ, ekɛɛ akɛ: “[A·gaʹpe] jeee henumɔ nifeemɔ folo ko kɛkɛ ni damɔ mɔ kɛ mɔ teŋ naanyobɔɔ nɔ, taakɛ bɔ ni mɛi fɔɔ hesusumɔ nakai lɛ, shi eji jeŋba suɔmɔ loo adesa suɔmɔ ni damɔ kpɛlɛmɔ ni ajɛɔ suɔmɔ mli akpɛlɛɔ nɔ akɛ eji shishitoo mla, sɔ̃, kɛ jeŋba ni yɔɔ fɛo ní ajɛɔ anɔkwayeli mli ataoɔ mɔ kroko lɛ hilɛ-kɛ-hamɔ taakɛ bɔ ni su kpakpa biɔ ni afee lɛ. A·gaʹpe (suɔmɔ) haa mɔ yeɔ nyɛ̃ɛ ni naa wa ni kã mɔ kɛ mɔ teŋ lɛ nɔ, ni eŋmɛɛɛ gbɛ ni nyɛ̃ɛ nɛɛ aha mɔ ko aŋmɛɛ shishitoo mlai ni ja he ní ejie nyɛ̃ɛ ni tamɔ nakai nɔŋŋ kpo.”

Nɔ ni baanyɛ afata A·gaʹpe he hu ji henumɔ ni mli wa. Bɔfo Petro bɔ kɔkɔ akɛ: “Nyɛnáa suɔmɔ [a·gaʹpe] ni mli wa nyɛhaa nyɛhe.” (1 Petro 4:8, NW) No hewɔ lɛ, abaanyɛ akɛɛ akɛ a·gaʹpe kɔɔ tsui lɛ kɛ agbɛnɛ hu jwɛŋmɔ lɛ he. Mɛni hewɔ osusuuu ŋmalɛi komɛi ni tsɔɔ hewalɛ ni nɛkɛ suɔmɔ ni hi jogbaŋŋ nɛɛ yɔɔ kɛ he ni emli lɛɛɔ kɛyashɛɔ lɛ he okwɛɛɛ lɛ? Ŋmalɛi ni nyiɛ sɛɛ nɛɛ baanyɛ aye abua bo: Mateo 5:43-47; Yohane 15:12, 13; Romabii 13:8-10; Efesobii 5:2, 25, 28; 1 Yohane 3:15-18; 4:16-21.

[Shishigbɛ niŋmaa]