Ani Hemɔkɛyeli Baanyɛ Atsa Helatsɛ?

KƐJI akɛ wɔnáaa hewalɛ lɛ, wɔtaoɔ hejɔlɛ kɛ tsamɔ sɛɛgbɛ. Eeenyɛ efee akɛ ekolɛ ole kɛjɛ Biblia lɛ mli akɛ Yesu Kristo tsá helai srɔtoi fɛɛ shii abɔ, ni eha mɛi ni he yeɔ lɛ ateŋ mɛi babaoo ná hejɔlɛ. Te etsu nakai tsamɔi lɛ ahe nii eha tɛŋŋ? Biblia lɛ kɛɔ akɛ kɛtsɔ “Nyɔŋmɔ hewalɛ” lɛ nɔ. (Luka 9:42, 43; Bɔfoi lɛ Asaji 19:11, 12) No hewɔ lɛ, mumɔ krɔŋkrɔŋ ní jɛ Nyɔŋmɔ ŋɔɔ lɛ pɛ ji nɔ ni tsáa mɔ, shi jeee mɔ aŋkro ko hemɔkɛyeli folo kɛkɛ. (Bɔfoi lɛ Asaji 28:7-9) No hewɔ ni Yesu biii ni helatsɛmɛi ajaje hemɔkɛyeli ni amɛyɔɔ yɛ emli lɛ amɛtsɔɔ dani étsa amɛ lɛ.

Ekolɛ obaabi akɛ: ‘Ani naakpɛɛ tsamɔi ji nɔ ko ni be eho, loo abaasaa atsa mɛi yɛ gbɛ nɔ ni Yesu tsa mɛi yɛ lɛ nɔ ekoŋŋ? Mɛɛ hiɛnɔkamɔ yɔɔ kɛha mɛi ni piŋɔ yɛ hela ko ni waa mɔ he waa loo anyɛɛɛ atsa lɛ?’

Biblia lɛ tsɔɔ mli akɛ yɛ Nyɔŋmɔ jeŋ hee ni jalɛ hiɔ mli lɛ mli lɛ, shikome ekoŋŋ lɛ Nyɔŋmɔ hewalɛ lɛ baaha naakpɛɛ tsamɔi ni Yesu fee beni eyɔɔ shikpɔŋ nɔ lɛ aba mli ekoŋŋ. Yehowa Odasefoi ni yɔɔ okutso lɛ mli lɛ baaná he miishɛɛ akɛ amɛaatsɔɔ bo bɔ ni Nyɔŋmɔ baatsu nɔ ni hemɔkɛyeli tsalɔ ko nyɛko atsu ni ji helai fɛɛ kɛ gbele hu ni ebaajie kɛya lɛ—kɛ be mli ni ebaafee enɛ. Hɛɛ, Nyɔŋmɔ ‘baami gbele kɛaatee naanɔ.’—Yesaia 25:8.