“Nyɛfainɛ Naa Nɔ Ko Fioo Ni Miyɔɔ Kɛha Nyɛ”

AŊMA wiemɔi nɛɛ yɛ wolo ko ni aŋma Yehowa Odasefoi anitsumɔhe nine ni yɔɔ Russia lɛ mli. Adeka ni astagre loo kuŋtu sɔks eyi lɛ obɔ fata wolo ni aŋma amɛ lɛ he.

Alla ni eye afii 67 ni eji Yehowa Odasefonyo ni miisɔmɔ yɛ asafo ko ni yɔɔ Russia Bokagbɛ lɛ ji mɔ ni kɛ nikeenii nɛɛ maje amɛ. Alla miisɔmɔ Yehowa nɔ ni fe afii nyɔŋma nɛ, ni ekɛ ekãa shiɛɔ Maŋtsɛyeli lɛ he sanekpakpa lɛ. Shi trukaa lɛ, kuumɔ hela ha yoo nɛɛ ekumɔ fã-kɛ-fã. Shi suɔmɔ ni eyɔɔ hewɔ lɛ efee enii tamɔ Dorka ni ji Kristofonyo yoo ni hi shi yɛ klɛŋklɛŋ afii oha lɛ mli ni fee atadei eha enanemɛi heyelilɔi lɛ.—Bɔfoi lɛ Asaji 9:36, 39.

Alla ŋma yɛ wolo ni eŋma lɛ mli akɛ: “Minyɛɛɛ mafamɔ minaji, shi miniji gboko yɛ mihe. No hewɔ lɛ mishiɛɔ kɛtsɔ woloŋmaa nɔ.” Etsa nɔ akɛ: “Mikpɛ miyiŋ akɛ amrɔ nɛɛ ni miniji nyɛɔ etsuɔ nii nɛɛ lɛ, malòo astagre loo sɔks ni akɛgbeɔ fɛ̃i enyɔoo ko. Masumɔ ni akɛ sɔks nɛɛ aha nyɛmimɛi hii kɛ yei ni baayamãmɔ Maŋtsɛyeli Asai yɛ hei ni fɛi yeɔ waa yɛ tamɔ Russia Bokagbɛ kɛ Siberia lɛ nɛkɛ.”

Yesu Kristo kɛɛ enɔkwa sɛɛnyiɛlɔi lɛ akɛ: “Kɛji nyɛsumɔɔ nyɛhe lɛ, no mɛi fɛɛ kɛaale akɛ mikaselɔi ji nyɛ.” (Yohane 13:35) Suɔmɔ ni tamɔ nɔ ni Alla jie lɛ kpo nɛɛ kadiɔ Yesu anɔkwa kaselɔi lɛ.