Okɛ “Tsui Koome kɛ Susuma Koome” Asɔmɔ Nyɔŋmɔ

YUDAFOI kɛ mɛi ni etsake kɛba Kristojamɔ mli lɛ bua amɛhe naa kɛba Yesu Kristo kaselɔi lɛ aŋɔɔ. No mli lɛ aaye Pentekoste Gbi Jurɔ lɛ, ni gbɔi nɛɛ jɛ hei shɔŋŋ amɛba, amɛteŋ mɛi komɛi jɛ Roma tɔŋŋ yɛ Yerusalem anaigbɛ, ni mɛi krokomɛi hu jɛ Partia tɔŋŋ yɛ bokagbɛ. Amɛnu ní Yesu kaselɔi lɛ miiwie wiemɔi srɔtoisrɔtoi. Kɛlɛ, Yesu kaselɔi ní kɛ amɛ wieɔ lɛ ji Galileabii. Gbɔi nɛɛ ní amɛteaŋ mɛi komɛi ahiɛ miifee amɛ yaa lɛ bi akɛ: “Te tɛŋŋ ni wɔteŋ mɔ fɛɛ mɔ nuɔ lɛ diɛŋtsɛ emaŋ he ni afɔ́ lɛ yɛ lɛ wiemɔ nɛɛ?”—Bɔf. 2:8.

Bɔfo Petro te shi edamɔ shi ni etsɔɔ amɛ nɔ ni kɛ naakpɛɛ nii ni amɛnaa lɛ ba. Amrɔ  nɔŋŋ ni amɛkpɛlɛ wiemɔ ni amɛnu lɛ nɔ. Abaptisi kaselɔi heei akpei abɔ! (Bɔf. 2:41) Eyɛ mli akɛ asafo lɛ shwere oyayaayai moŋ, shi amɛtee nɔ amɛfee ekome. Biblia ŋmalɔ Luka ŋma akɛ: “Mɛi babaoo lɛ ni heɔ yeɔ lɛ fɛɛ hiɛ tsui koome kɛ susuma koome.”—Bɔf. 4:32.

Mɛi akpei abɔ ni abaptisi yɛ Pentekoste gbi lɛ nɔ yɛ afi 33 Ŋ.B. lɛ miisumɔ akɛ amɛhi Yerusalem be kakadaŋŋ bɔni afee ní amɛkase amɛhemɔkɛyeli hee lɛ he nii babaoo. Shi jeee amɛyiŋtoo ji akɛ kulɛ amɛbahi shi be babaoo. Enɛ hewɔ lɛ, ehe bahia ni abua shika naa kɛye abua amɛ. Héyelilɔi komɛi hɔ̃ɔhɔ̃ɔi amɛnibii ni amɛkɛ yinii lɛ baha bɔfoi lɛ koni aja aha mɛi ni yelikɛbuamɔ he hiaa amɛ lɛ. (Bɔf. 2:42-47) Mɛɛ suɔmɔ kɛ ejurɔfeemɔ po amɛjie lɛ kpo nɛkɛ!

Anɔkwa Kristofoi jieɔ nɛkɛ suɔmɔ kɛ ejurɔfeemɔ su nɛɛ kpo be fɛɛ be. Ŋmɛnɛ, Kristofoi asafo lɛ yaa nɔ amɛkɛ “tsui koome kɛ susuma koome” sɔmɔɔ Yehowa yɛ ekomefeemɔ mli. Kristofoi jɛɔ suɔmɔ mli ni amɛkɛ amɛbe, amɛhewalɛ, kɛ amɛshika yeɔ amɛbuaa koni ashiɛ sanekpakpa lɛ ní akɛha Nyɔŋmɔ Maŋtsɛyeli lɛ he nibii lɛ aya hiɛ.—Kwɛmɔ akrabatsa ni ji  “Gbɛ̀i ni Mɛi Komɛi Tsɔɔ Nɔ Amɛkeɔ Nii.”

[Akrabatsa ni yɔɔ baafa 6, 7]

 GBƐ́I NI MƐI KOMƐI TSƆƆ NƆ AMƐKEƆ NII

ONIATSUMƆI KƐHA JEŊ MUU FƐƐ NITSUMƆ LƐ

Mɛi pii kɛ shika ko fɔ̃ɔ shi, loo amɛtoɔ he gbɛjianɔ ni amɛkɛwoɔ oniatsumɔ adekai ni akadi amɛ akɛ “Jeŋ Muu Fɛɛ Nitsumɔ Lɛ” amli.

Daa nyɔɔŋ nɔ lɛ, asafoi kɛ shika nɛɛ majeɔ kɛyaa Yehowa Odasefoi anitsumɔhe ni yɔɔ maŋ nɔ he ni amɛyɔɔ lɛ. Abaanyɛ akɛ shika ni ataoɔ akɛke hu amaje tɛɛ kɛyaha Watchtower Bible and Tract Society of New York, Inc., Attention Treasurer’s Office, 25 Columbia Heights, Brooklyn, New York 11201-2483, aloo abaanyɛ akɛya Yehowa Odasefoi anitsumɔhe nine ni sɔmɔɔ maŋ ni oyɔɔ mli lɛ. Kɛ akɛ tsɛk miitsɔ adrɛs ni yɔɔ yiteŋgbɛ lɛ nɔ kɛmiiha lɛ, esa akɛ aŋma “Watchtower” yɛ nɔ akɛ mɛi ni aawo shika lɛ aaha. Abaanyɛ akɛ jwetrii aloo ojarawa nibii krokomɛi hu ake. Esa akɛ aŋma wolo fioo ko afata nɛkɛ nikeenii nɛɛ ahe ni akɛtsɔɔ akɛ amɛji nibii ni akɛmiike kwraa.

NIBII NI AKƐHA SHI AKƐKEKO LƐ AHE GBƐJIANƆTOO

Abaanyɛ akɛ shika aha Watch Tower Bible and Tract Society of Pennsylvania koni ekɛtsu enibii ahe nii yɛ jeŋ fɛɛ. Shi kɛ mɔ ni kɛha lɛ miitao lɛ, akɛbaaha lɛ. Bɔni afee ni oná sane nɛɛ mlitsɔɔmɔ lolo lɛ, ofainɛ ŋmaa kɛyabi yɛ Treasurer’s Office lɛ kɛtsɔ adrɛs ni atsɔɔ yɛ yiteŋgbɛ lɛ nɔ loo obaanyɛ otswa tɛlifoŋ kɛya (718) 560-7500.

EJURƆFEEMƆ NI AKPƐ YIŊ YƐ HE

Kɛfata shika ni akɛkeɔ kwraa lɛ he lɛ, ayɛ gbɛi krokomɛi hu ni atsɔɔ nɔ akeɔ nii koni ehe aba sɛɛnamɔ kɛha Maŋtsɛyeli nitsumɔ lɛ yɛ jeŋ fɛɛ. Enɛɛmɛi ateŋ ekomɛi ji:

Inshuɔrans: Abaanyɛ aŋma Watch Tower Bible and Tract Society of Pennsylvania gbɛi akɛ mɛi ni baaná inshuɔrans gbɛjianɔtoo lɛ he sɛɛ yɛ mɔ ni kɛhaa lɛ gbele sɛɛ, aloo mɛi ni baaná enitsumɔ hejɔɔmɔ mli gbɛjianɔtoo lɛ he sɛɛ.

Shika ni Akɛtoɔ Shikatoohe: Abaanyɛ aha shika ni akɛto, shika nɔ woji, aloo akɛ nitsumɔ mli hejɔɔmɔ mli shika ato aloo akɛha Watch Tower Bible and Tract Society of Pennsylvania yɛ mɔ lɛ gbele sɛɛ, yɛ bɔ ni nyɛmaŋ lɛ shikatoohei ŋmɛɔ gbɛ ni afee lɛ naa.

Nitsumɔi Amli Gbɛfaŋnɔ kɛ Shika ni Akɛfaa Shikatoohei kɛ Ehe Kpa: Abaanyɛ akɛ nitsumɔi amli gbɛfaŋnɔ ni ayɔɔ kɛ shika ni akɛfaa shikatoohei kɛ ehe kpa lɛ aha Watch Tower Bible and Tract Society of Pennsylvania akɛ nibii ni akɛmiike kwraa.

Shikpɔji kɛ Tsũi: Abaanyɛ akɛ shikpɔji kɛ tsũi ni baahi hɔɔmɔ, loo shĩa ko ni mɔ ko yɔɔ mli lɛ aha kɛtsɔ ke kwraa ni akɛaake nɔ, aloo ni abaashi shikpɔŋ loo tsũ lɛ yɛ mɔ ni kɛke lɛ dɛŋ, koni ehi tsũ lɛ mli aloo ekwɛ nɔ aahu kɛyashi be mli ni ebaagbo. Ha nitsumɔhe nine ni yɔɔ maŋ mli he ni oyɔɔ lɛ ale dani okɛ shikpɔŋ loo tsũ ko aha.

Daa Afi Shika ni Anáa yɛ Nikeenii Ahe: Daa afi shika ni anáa yɛ nikeenii ahe ji gbɛjianɔ ko ni atoɔ ni mɔ ko kɛ shika loo nibii ni jara wawai haa koni nitsumɔhe nine pɔtɛɛ ko ní Yehowa Odasefoi kɛtsuɔ nii lɛ akwɛ nɔ. Yɛ no najiaŋ lɛ, mɔ ni kɛha lɛ, loo mɔ ko ni mɔ ni kɛha lɛ ehala lɛ lɛ nine shɛɔ shika falɛ pɔtɛɛ ko nɔ daa afi yɛ ewala be fɛɛ mli. Atseɔ tóo yɛ shika ni mɔ ni kɛha lɛ nine shɛɔ nɔ lɛ nɔ yɛ afi mli ni daa afi shika ni anáa lɛ jeɔ nitsumɔ shishi lɛ.

Shamaŋsheo kɛ Nii ni Ahaa Mɔ Kroko Gbɛi Kãa Nɔ: Abaanyɛ akɛ nibii ni ayɔɔ loo shika ake Watch Tower Bible and Tract Society of Pennsylvania kɛtsɔ shamaŋsheo ni aŋma yɛ mla naa nɔ, aloo abaanyɛ aha Watch Tower Bible and Tract Society of Pennsylvania gbɛi akã shika ni akɛto lɛ nɔ akɛ mɔ ni baaná he sɛɛ. Bei komɛi lɛ, jamɔ gbɛjianɔtoo ko gbɛi ni kãa shika ko nɔ lɛ haa enáa toowoo mli heyelii komɛi.

Taakɛ gbɛi “charitable planning” (ejurɔfeemɔ ni akpɛ yiŋ yɛ he) lɛ tsɔɔ lɛ, nɛkɛ nikeei henɔi nɛɛ biɔ gbɛjianɔtoo yɛ mɔ ni kɛ nii keɔ lɛ gbɛfaŋ. Bɔni afee ni akɛye abua aŋkroaŋkroi ni miisumɔ koni amɛye amɛbua Yehowa Odasefoi ajeŋ muu fɛɛ nitsumɔ lɛ kɛtsɔ nɛkɛ ejurɔfeemɔ ni akpɛ yiŋ yɛ he nɛɛ ateŋ eko nɔ lɛ, afee wolo bibioo ko yɛ Blɔfo wiemɔ kɛ Spain wiemɔ mli ni yitso ji Charitable Planning to Benefit Kingdom Service Worldwide (Ejurɔfeemɔ ni Akpɛ Yiŋ yɛ He Koni Ehe Aba Sɛɛnamɔ Kɛha Maŋtsɛyeli Nitsumɔ yɛ Jeŋ Fɛɛ). Aŋma wolo bibioo nɛɛ koni eha ale gbɛi srɔtoi anɔ ni abaanyɛ atsɔ ni akɛ nibii kɛ shika ake amrɔ nɛɛ loo bɔ ni mɔ aaafee eha nine ashɛ shika loo jwetri ko ni ekɛke yɛ mla naa lɛ nɔ yɛ egbele sɛɛ. Mɛi babaoo enyɛ eye ebua kɛfi Yehowa Odasefoi ajamɔ lɛ kɛ nitsumɔi ni amɛtsuɔ kɛyeɔ buaa adesai lɛ asɛɛ yɛ jeŋ fɛɛ, yɛ be mli ni amɛkane wolo bibioo lɛ ni amɛkɛ amɛ diɛŋtsɛ amɛmla kɛ toowoo he ŋaawolɔi esusu he lɛ sɛɛ, ni yɛ nakai beaŋ nɔŋŋ lɛ, amɛha sɛɛnamɔi ni amɛnáa yɛ toowoo mli yɛ enɛ feemɔ mli lɛ etee hiɛ. Nine baanyɛ ashɛ wolo bibioo nɛɛ nɔ kɛtsɔ eko ni aaashɛ kɛjɛ Charitable Planning Office (Nitsumɔhe ni Kwɛɔ Ejurɔfeemɔ ni Akpɛ Yiŋ yɛ He lɛ Nɔ) lɛ dɛŋ tɛɛ lɛ nɔ.

Bɔni afee ni oná enɛ mlitsɔɔmɔ lolo lɛ, obaanyɛ obi kɛjɛ Charitable Planning Office lɛ, kɛtsɔ woloŋmaa loo tɛlifoŋ tswaa nɔ, kɛtsɔ adrɛs ni atsɔɔ yɛ shishigbɛ lɛ loo Yehowa Odasefoi anitsumɔhe nine ni sɔmɔɔ maŋ ni oyɔɔ mli lɛ nɔ.

Charitable Planning Office

Watch Tower Bible and Tract Society of Pennsylvania

100 Watchtower Drive

Patterson, New York 12563-9204

Tɛlifoŋ: (845) 306-0707