Gbekɛ Yoo Fioo ko ní Nine Kpɔɔ

NYƐSƐƐ nɛɛ, gbekɛ yoo ko ni eye afii nɛɛhu ni yɔɔ Brazil lɛ tsu susu, ni eja shika lɛ mli enyɔ—dɔlai 18 kɛ dɔlai 25. Ekɛ dɔlai 18 lɛ wo oniatsumɔ adeka lɛ mli yɛ Maŋtsɛyeli Asa lɛ nɔ koni akɛwo nyɔmɔ ni asafo lɛ bɔɔ lɛ eko. No sɛɛ lɛ, ekɛ dɔlai 25 lɛ maje Yehowa Odasefoi anitsumɔhe nine lɛ, ni eŋma wolo fioo ko efata he. Etsɔɔ yɛ wolo lɛ mli akɛ: “Miisumɔ ni mikɛ shika nɛɛ aye abua jeŋ muu fɛɛ nitsumɔ lɛ. Mishwelɛ ji akɛ maye mabua nyɛmimɛi hii kɛ yei ni yɔɔ jeŋ fɛɛ lɛ koni amɛshiɛ sanekpakpa lɛ. Miiŋɔ shika nɛɛ miiha yɛ suɔmɔ kpele ni miyɔɔ kɛha Yehowa lɛ hewɔ.”

Gbekɛ yoo nɛɛ fɔlɔi tsɔɔ lɛ akɛ ehe miihia ni ekɛ ehe awo Maŋtsɛyeli shiɛmɔ nitsumɔ lɛ mli. Amɛha ele hu akɛ ehe miihia ni ‘ekɛ enii ni eyɔɔ lɛ awo Yehowa hiɛ nyam.’ (Abɛi 3:9) Taakɛ gbekɛ yoo fioo nɛɛ fee lɛ, nyɛhaa wɔ fɛɛ wɔfia Maŋtsɛyeli nitsumɔ ní atsuɔ yɛ he ni wɔyɔɔ lɛ kɛ jeŋ fɛɛ lɛ sɛɛ!