Amɛnɔtekemɔ lɛ Yaye Mɛi Komɛi Afimɔ Najiaŋ

SANE ko ba yɛ afi 49 Ŋ.B. No mli lɛ Petro, Yakobo, kɛ Yohane—“ni abuɔ amɛ akɛ akulashiŋi lɛ”—kɛ nitsumɔ ko wo bɔfo Paulo kɛ enaanyo nitsulɔ Barnaba dɛŋ. Akai amɛ akɛ amɛhiɛ akakpa Kristofoi ni ehia amɛ lɛ anɔ be mli ni amɛshiɛɔ amɛtsɔɔ jeŋmajiaŋbii lɛ. (Gal. 2:9, 10) Te amɛaafee tɛŋŋ amɛtsu sɔ̃ nɛɛ he nii lɛ?

Woji ni Paulo ŋmala lɛ haa wɔnaa bɔ ni etsu sane nɛɛ he nii eha. Ákɛ nɔkwɛmɔnɔ lɛ, eŋma Kristofoi ni yɔɔ Korinto lɛ akɛ: “Onia ni atsuɔ ayaha hetselɔi lɛ hewɔ lɛ, taakɛ bɔ ni mito miha Galatia asafoi lɛ, nyɛ hu nyɛfea nakai. Daa otsi mli klɛŋklɛŋ gbi lɛ nɔ lɛ, nyɛteŋ mɔ fɛɛ mɔ atĩa nɔ ko ato, yɛ bɔ ni enáa lɛ naa, koni mikaba dani atsu onia lɛ. Ni kɛji miba lɛ, matsu mɛi ni nyɛbuɔ akɛ amɛ sa kɛ woji, ni amɛhiɛ nyɛnikeenii lɛ kɛya Yerusalem.”—1 Kor. 16:1-3.

Yɛ wolo ni ji enyɔ ni Paulo ŋma Korintobii lɛ mli lɛ, esaa etsĩ nɔ hewɔ ni oniatsumɔ lɛ he hiaa lɛ tã. Etsɔɔ mli akɛ, koni “nyɛnɔtekemɔ lɛ ayaye nomɛi afĩmɔ lɛ najiaŋ.”—2 Kor. 8:12-15.

Beni Paulo ŋma Kristofoi ni yɔɔ Roma lɛ wolo aaafee afi 56 Ŋ.B. lɛ, no mli lɛ, agbe oniatsumɔ lɛ naa ata. Ewie akɛ: “Miifã gbɛ kɛmiiya Yerusalem, ni miyasɔmɔ krɔŋkrɔŋbii lɛ dã. Ejaakɛ Makedonia kɛ Akaia fɛɛ kɛ tsuijurɔ etsũ onia ko amɛyaha krɔŋkrɔŋbii ni yɔɔ Yerusalem lɛ ateŋ ohiafoi lɛ.” (Rom. 15:25, 26) No sɛɛ etsɛɛɛ lɛ, Paulo tsu nitsumɔ ni akɛwo edɛŋ lɛ he nii, ejaakɛ beni eku esɛɛ kɛtee Yerusalem ni amɔ lɛ ni awo lɛ tsuŋ lɛ, ekɛɛ Roma Amralo Felike akɛ: “Miba ni mikɛ nikeenii abaha mimaŋ lɛ ni mashã afɔle hu.”—Bɔf. 24:17.

Nɔ ni Paulo wie yɛ Makedoniabii lɛ ahe lɛ haa wɔnaa su ni klɛŋklɛŋ afii 100 lɛ mli Kristofoi lɛ jie lɛ kpo lɛ faŋŋ. Ekɛɛ akɛ, “amɛkɛ tutɔmɔ babaoo kpa wɔ fai akɛ wɔkɛ nɛkɛ duromɔ nɛɛ” ayaha. Bɔfo lɛ wo Korintobii lɛ hewalɛ ni amɛkase Makedoniabii lɛ. Ewie akɛ: “Mɔ fɛɛ mɔ aha bɔ ni ekpɛ mli momo yɛ etsui mli, ni ekajɛ ŋkɔmɔyeli aloo fimɔ mli: ejaakɛ tsuijurɔnaa halɔ Nyɔŋmɔ sumɔɔ.” Mɛni tsirɛ asafoi lɛ ni amɛfee ejurɔ ni tamɔ nakai? Nɔ ni tsirɛ amɛ ji akɛ, “jeee krɔŋkrɔŋbii lɛ afĩmɔ lɛ kɛkɛ efɛneɔ, shi moŋ ehaa adaa Nyɔŋmɔ shi babaoo kɛteke nɔ hu.” (2 Kor. 8:4; 9:7, 12) Shwelɛ ni tamɔ nakai nɔŋŋ baanyɛ atsirɛ wɔ ni wɔfee ejurɔ. Kɛ́ wɔjie su ni tamɔ nɛkɛ kpo lɛ, bɔ fɛɛ bɔ ni fee lɛ, Yehowa Nyɔŋmɔ baajɔɔ wɔ—ni ejɔɔmɔ lɛ ji nɔ ni feɔ mɔ niiatsɛ.—Abɛi 10:22.

 [Akrabatsa ni yɔɔ baafa 9]

GBƐI NI MƐI KOMƐI TSƆƆ NƆ AMƐFĨƆ JEŊ MUU FƐƐ NITSUMƆ LƐ SƐƐ

Taakɛ eji yɛ Paulo beaŋ lɛ, mɛi ‘tĩaa nɔ ko amɛtoɔ’ ni amɛkɛyawoɔ oniatsumɔ adekai ni aŋma he akɛ “Jeŋ Muu Fɛɛ Nitsumɔ Lɛ” mli yɛ amɛsafo lɛ mli. (1 Kor. 16:2) Daa nyɔɔŋ lɛ, asafoi fɛɛ kɛ onia ni atsu lɛ majeɔ Yehowa Odasefoi anitsumɔhe nine ni kwɛɔ maŋ ni amɛyɔɔ mli lɛ nitsumɔ lɛ nɔ lɛ. Obaanyɛ okɛ shika ni ootao okɛke lɛ amaje Watch Tower Bible and Tract Society of Ghana, Attention Accounts Department, P. O. Box GP 760, Accra, Ghana, aloo obaanyɛ okɛyawo fotro ni yɔɔ shikatoohei ni nyiɛ sɛɛ nɛɛ ateŋ eko mli: Watch Tower, Barclays Bank, Accra High Street Branch, Account number 048/2746365, loo Watch Tower, Ghana Commercial Bank, Accra High Street Branch, Account number 1011130008990, aloo obaanyɛ okɛya Yehowa Odasefoi lɛ anitsumɔhe nine ni kwɛɔ maŋ ni oyɔɔ mli lɛ nitsumɔ lɛ nɔ lɛ. (Mɛi baanyɛ amɛtsɔ gbɛi ni atsɔɔ nɔ atsuɔ onia ni atsĩ tã yɛ shishigbɛ lɛ hu nɔ amɛkɛ nibii ni amɛmiitao amɛkɛye amɛbua lɛ amaje Yehowa Odasefoi anitsumɔhe nine ni kwɛɔ maŋ ni amɛyɔɔ mli lɛ nɔ lɛ.) Kɛ́ akɛ tsɛk miitsɔ adrɛs ni yɔɔ yiteŋgbɛ lɛ nɔ kɛmiiha lɛ, esa akɛ aŋma “Watch Tower” yɛ nɔ akɛ mɛi ni aawo shika lɛ aaha. Abaanyɛ akɛ jwinei loo ojarawa nibii krokomɛi hu ake. Esa akɛ aŋma wolo fioo ko afata nɛkɛ nikee nii nɛɛ ahe, ni akɛtsɔɔ akɛ amɛji nibii ni akɛmiike kwraa.

NIBII NI AKƐHA SHI AKƐKEKO LƐ AHE GBƐJIANƆTOO

Abaanyɛ akɛ shika aha Watch Tower Bible and Tract Society of Ghana koni akɛtsu jeŋ fɛɛ nitsumɔ lɛ he nii. Shi kɛ́ mɔ ni kɛha lɛ miitao lɛ, akɛbaaha lɛ. Kɛ́ ootao ole sane nɛɛ mli jogbaŋŋ lɛ, ofainɛ ŋmaa Accounts Department lɛ kɛtsɔ adrɛs ni atsɔɔ yɛ yiteŋgbɛ lɛ nɔ, loo obaanyɛ otswa amɛ tɛlifoŋ yɛ (030) 2712456 nɔ.

EJURƆFEEMƆ HE GBƐJIANƆTOO

Kɛfata shika ni akɛkeɔ kwraa lɛ he lɛ, ayɛ gbɛi krokomɛi hu ni atsɔɔ nɔ akeɔ nii koni akɛtsu Maŋtsɛyeli nitsumɔ lɛ yɛ jeŋ fɛɛ. Ekomɛi ji:

Ŋshɔɔrans: Mɔ ko baanyɛ aŋma Watch Tower Bible and Tract Society of Ghana gbɛ́i awo ŋshɔɔrans ko nɔ akɛ mɛi ni akɛ ŋshɔɔrans lɛ aha yɛ mɔ lɛ gbele sɛɛ.

Shika ni Akɛto Shikatoohe: Mɔ ko baanyɛ eŋma yɛ shika ni ekɛto shikatoohe, shika ko ni ekɛha shikatoohe ko be kukuoo ko, loo epɛŋshɛŋ shika he woji lɛ anɔ ákɛ akɛ shika nɛɛ aha Watch Tower Bible and Tract Society of Ghana yɛ egbele sɛɛ, ni ebaafee enɛ yɛ mlai ni maŋ ni eyɔɔ nɔ lɛ ewo yɛ saji ni tamɔ nakai lɛ ahe lɛ naa.

Shika ni Akɛwo Nitsumɔ ko mli loo Akɛfa Shikatoohe: Mɔ ko baanyɛ ekɛ shika ni ekɛwo nitsumɔ ko mli loo ekɛfa shikatoohe ko lɛ aha Watch Tower Bible and Tract Society of Ghana.

Shikpɔji kɛ Tsũi: Mɔ ko baanyɛ ekɛ shikpɔji kɛ tsũi ni baahi hɔɔmɔ ake kwraa, loo ekɛ lɛ diɛŋtsɛ eshĩa ko ni eyɔɔ mli lɛ aha akɛ ekɛmiike kwraa shi ebaahi shĩa lɛ mli kɛyashi ebaagbo. Ha nitsumɔhe nine ni kwɛɔ maŋ ni oyɔɔ mli lɛ nitsumɔ lɛ nɔ lɛ ale dani okɛ shikpɔŋ loo tsũ ko aha.

Shamaŋsheo: Abaanyɛ akɛ nibii ni ayɔɔ loo shika ake Watch Tower Bible and Tract Society of Ghana kɛtsɔ shamaŋsheo ni aŋma yɛ mla naa lɛ nɔ.

Taakɛ wiemɔ ni ji “ejurɔfeemɔ he gbɛjianɔtoo” lɛ tsɔɔ lɛ, ebaabi ni mɔ ko ni miitao ni ekɛ nibii ni atsi tã kɛtsɔ hiɛ lɛ eko ake lɛ ato he gbɛjianɔ. Kɛ́ mɔ ko miisumɔ ni eye ebua Yehowa Odasefoi ajeŋ muu fɛɛ nitsumɔ lɛ kɛtsɔ nɛkɛ gbɛjianɔtoi nɛɛ ateŋ eko nɔ, loo eetao ele amɛteŋ eko he saji babaoo lɛ, ebaanyɛ eŋma Accounts Department lɛ wolo loo etswa amɛ kɛtsɔ adrɛs ni yɔɔ shishigbɛ nɛɛ nɔ.

ACCOUNTS DEPARTMENT

Watch Tower Bible & Tract Society of Ghana

P. O. Box GP 760

Accra

Telephone: (030) 2712456