Maŋshiɛmɔ Krɛdɛɛ

Namɔ Sa Jogbaŋŋ Akɛ Eyeɔ Adesai Anɔ?

Mɛɛ Nɔyelɔ Baanyɛ

• etsu shika he naagbai ahe nii, ni eha mɔ fɛɛ mɔ aná niyenii babaoo kɛ shĩa kpakpa?

• etsĩ adebɔɔ naa osharai anaa, ni eha adesai aye amɛhe kɛjɛ amanehulu ni ŋshɔŋ shikpɔŋhosomɔi, ahum ni naa wa, loo shikpɔŋhosomɔi kɛbaa lɛ ahe?

• ejie helai fɛɛ kɛya, ni asaŋ eha mɛi ni egbɔlɔ lɛ atsɔ oblahii kɛ oblayei ekoŋŋ?

• eha tai fɛɛ asɛɛ afo, ni eha eshishibii lɛ ahi shi yɛ toiŋjɔlɛ kɛ shweshweeshwe shihilɛ mli?

• esaa nibii fɛɛ ni efite yɛ shikpɔŋ lɛ nɔ lɛ jogbaŋŋ kɛmɔ shi, ni asaŋ efee shikpɔŋ lɛ fɛɛ paradeiso?

Nɔyelɔ kome pɛ yɔɔ ni baanyɛ atsu nibii ni sɛɛnamɔi yɔɔ he nɛɛ fɛɛ ahe nii. Namɔ ji Nɔyelɔ nɛɛ? Abaaha nakai sanebimɔ lɛ hetoo yɛ maŋshiɛmɔ ni yitso ji “Namɔ Sa Jogbaŋŋ akɛ Eyeɔ Adesai Anɔ?” lɛ mli. Abaaha nɛkɛ Biblia mli wiemɔ nɛɛ yɛ jeŋ fɛɛ yɛ shikpɔji ní fe 230 anɔ. Yɛ hei babaoo lɛ, abaaha wiemɔ nɛɛ yɛ Yehowa Odasefoi a-Maŋtsɛyeli Asa ni yɔɔ he ni oyɔɔ lɛ nɔ yɛ Hɔgbaa, April 6, 2008. Odasefoi ni yɔɔ okutso lɛ mli lɛ baaná he miishɛɛ akɛ amɛaatsɔɔ bo be ni akɛbaaha maŋshiɛmɔ nɛɛ kɛ he ni abaaha yɛ. Akɛ miishɛɛ miifɔ̃ bo nine koni oyabo wiemɔ nɛɛ toi.