Kɛha Oblahii Kɛ Oblayei

Yesu Ha Etoibolɔi lɛ Anaa Kpɛ Amɛhe

Gbɛtsɔɔmɔi: Tsu nifeemɔ nɛɛ he nii yɛ he ko ni yɔɔ dioo. Be mli ni okaneɔ ŋmalɛi lɛ, ŋɔɔ lɛ akɛ ofata mɛi ni yɔɔ nifeemɔ lɛ mli lɛ ahe. Feemɔ shihilɛ lɛ he mfoniri yɛ ojwɛŋmɔŋ. Feemɔ gbɛɛmɔi lɛ ahe mfoniri yɛ ojwɛŋmɔŋ. Nu nii ahe tamɔ bɔ ni mɛi titrii ni yɔɔ nikanemɔ lɛ mli lɛ nu he lɛ. Ha amaniɛbɔɔ lɛ afee tamɔ shihilɛ ko ni miiya nɔ bianɛ.

PƐIMƆ SHIHILƐ LƐ MLI.—KANEMƆ LUKA 2:41-47.

Mɛɛ saji osusuɔ akɛ agba he sane yɛ sanegbaa ni abɔ he amaniɛ yɛ kuku 46 lɛ mli lɛ?

․․․․․

TAOMƆ NII AMLI JOGBAŊŊ.

Mɛni osusuɔ akɛ no ha Yesu ni no mli lɛ eji gbekɛ lɛ nyɛ ekɛ jamɔŋ hiɛnyiɛlɔi lɛ gba sane lɛ? Ani anɔkwa sane ni ji akɛ eye emuu lɛ kɛkɛ hewɔ enyɛ efee nakai lɛ, loo yiŋtoo kroko hewɔ?

․․․․․

PƐIMƆ SHIHILƐ LƐ MLI.—KANEMƆ LUKA 2:48-52.

Mɛɛ su osusuɔ akɛ Yesu jie lɛ kpo lɛ beni ebi akɛ: “Mɛɛba ni nyɛtaoɔ mi?” lɛ.

․․․․․

Mɛni hewɔ wɔbaanyɛ wɔná nɔmimaa akɛ Yesu ewieee efɔlɔi lɛ ahiɛ nyanyaanya loo ekɛ amɛ ewieee yɛ gbɛ ni bulɛ bɛ mli nɔ lɛ?

․․․․․

TAOMƆ NII AMLI JOGBAŊŊ.

Mɛni hewɔ efeee wɔ naakpɛɛ akɛ Yosef kɛ Maria ye amɛtsui lɛ?

․․․․․

Eyɛ mli akɛ no mli lɛ Yesu eye emuu moŋ, shi mɛni hewɔ esa akɛ eya nɔ ni eba ehe shi eha efɔlɔi lɛ?

․․․․․

Ani osusuɔ akɛ Yesu hiɛ gbo, akɛni ajaje lɛ yɛ mɛi ni yɔɔ ehe miishɛɛ ahiɛ lɛ hewɔ?

․․․․․

OKƐ NƆ NI OKASE LƐ ATSU NII. ŊMALAMƆ NƆ NI OKASE YƐ NIBII NƐƐ AHE . . .

Heshibaa.

․․․․․

Sɛɛnamɔ ni yɔɔ he akɛ mɔ aaaná Biblia mli nilee beni eji gbekɛ lɛ.

․․․․․

TE AMANIƐBƆƆ NƐƐ MLI FÃ NI HE EBA SƐƐNAMƆ JOGBAŊŊ KƐHA BO LƐ, NI MƐNI HEWƆ?

․․․․․