Maŋshiɛmɔ Krɛdɛɛ

Anɔkwa Toiŋjɔlɛ kɛ Shweshweeshwe Shihilɛ—Mɛɛ Be Ebaaba?

Adesai kɛ afii akpei abɔ eshwe akɛ amɛaaná toiŋjɔlɛ kɛ shweshweeshwe shihilɛ. Shi adesai náko anɔkwa toiŋjɔlɛ. Mɛni hewɔ? Biblia lɛ tsɔɔ yiŋtoi enyɔ ahewɔ ni ewa akɛ aaaná toiŋjɔlɛ lɛ. Agbɛnɛ hu, ehaa wɔleɔ sane ni haa mɔ tsui nyɔɔ emli jogbaŋŋ nɛɛ akɛ: Nyɔŋmɔ ewo shi akɛ ebaaha adesai ni yɔɔ jeŋ fɛɛ lɛ aná anɔkwa toiŋjɔlɛ kɛ shweshweeshwe shihilɛ ni sɛɛ efooo.

Mɛɛ gbɛ nɔ toiŋjɔlɛ kɛ shweshweeshwe shihilɛ nɛɛ aaatsɔ aba, ni mɛɛ be ebaaba? Mɛni esa akɛ ofee koni oná jɔɔmɔi nɛɛ amli gbɛfaŋnɔ? Abaaha sanebimɔi nɛɛ ahetoo yɛ maŋshiɛmɔ ni yitso ji, “Anɔkwa Toiŋjɔlɛ kɛ Shweshweeshwe Shihilɛ—Mɛɛ Be Ebaaba?” lɛ mli. Abaaha Biblia mli wiemɔ nɛɛ yɛ jeŋ fɛɛ yɛ shikpɔji ni fe 230 anɔ. Yɛ hei babaoo lɛ, abaaha wiemɔ nɛɛ yɛ Yehowa Odasefoi a-Maŋtsɛyeli Asa ni yɔɔ he ni oyɔɔ lɛ nɔ yɛ Hɔgbaa, April 18, 2010. Odasefoi ni yɔɔ okutso lɛ mli lɛ baaná he miishɛɛ akɛ amɛaatsɔɔ bo be ni akɛbaaha maŋshiɛmɔ nɛɛ kɛ he ni abaaha yɛ. Wɔkɛ miishɛɛ miifɔ̃ bo nine koni oyabo wiemɔ nɛɛ toi.