Gbi gbɛkɛ ni enɔ jetsɛremɔ lɛ Yesu kɛ ewala baafɔ̃ shi lɛ, efã esɛɛnyiɛlɔi anɔkwafoi lɛ akɛ amɛkai efɔleshãa lɛ, loo amɛye he gbi jurɔ. Ekɛ aboloo ni akɛ ma ni eshako fee kɛ wein tsuru ni amɛnu lɛ eko tsu nii kɛto nɔ ni afɔɔ lɛ tsɛmɔ akɛ Naagbee Gbɛkɛ Niyenii lɛ loo Nuŋtsɔ lɛ Gbɛkɛ Niyenii lɛ shishi, ni efã amɛ akɛ: “Nyɛyaa nɔ nyɛfea enɛ kɛkaia mi.”—Luka 22:19, NW.

Daa afi lɛ, Yehowa Odasefoi ni yɔɔ jeŋ fɛɛ lɛ buaa amɛhe naa ni amɛkaiɔ Yesu gbele lɛ, kɛ́ be ni ekɛgbo lɛ shɛ. Yɛ afi 2014 mli lɛ, Kaimɔ lɛ baagbee Ju, April 14, beni hulu enyɔ shi.

Wɔkɛ miishɛɛ miifɔ̃ bo nine ni oba kpee nɛɛ eko. Abaawie sɛɛnamɔi ni yɔɔ Yesu afɔleshãa gbele lɛ he lɛ he babaoo yɛ kpee nɛɛ shishi. Aheŋ shika ko kwraa yɛ mɛi ni baaba lɛ adɛŋ, ni aheŋ amɛ nɔ ko hu kɛ amɛba shishi. Mɔ ni ha bo wolo nɛɛ baanyɛ atsɔɔ bo nyɛkutso lɛ mli he ni abaafee Kaimɔ lɛ yɛ kɛ be ni abaafee, loo obaanyɛ ona yɛ wɔ-Wɛb saiti, ni ji, jw.org, lɛ nɔ. Ofainɛ kadimɔ gbi nɛɛ ofɔ̃ shi, ni wɔle akɛ ohaŋ nifeemɔ nɛɛ aŋmɛɛ bo.