Sanebimɔi ni Biblia lɛ Ehã Hetoo
Mɛni Yesu baafee wɔsɛɛ?
Yɛ afi 33 Ŋ.B. lɛ, Yesu gbo, atee lɛ shi kɛjɛ gbohii ateŋ, ni etee ŋwɛi. Sɛɛ mli kwraa lɛ, ahã Yesu hegbɛ ni eye nɔ akɛ Maŋtsɛ. (Daniel 7:13, 14) Wɔsɛɛ lɛ, Yesu kɛ hegbɛ ni eyɔɔ akɛ Maŋtsɛ lɛ baatsu nii ni ehã toiŋjɔlɛ aba jeŋ fɛɛ, ni ebaafo ohia hu sɛɛ.
Akɛ Maŋtsɛ lɛ, Yesu baajie efɔŋfeemɔ kɛjɛ shikpɔŋ lɛ nɔ
Akɛ Nɔyelɔ lɛ, Yesu baafee nibii kpakpai ehã adesai. Ebaatsɔ hewalɛ ni Tsɛ lɛ kɛhã lɛ lɛ nɔ ehã adesai aye emuu ekoŋŋ. Amɛbaaná miishɛɛ yɛ shikpɔŋ lɛ nɔ, ni amɛgbɔlɔŋ ni amɛgboiŋ kɔkɔɔkɔ.
Mɛni Yesu feɔ amrɔ nɛɛ?
Amrɔ nɛɛ Yesu miikudɔ jeŋ muu fɛɛ shiɛmɔ nitsumɔ ni enɔkwa sɛɛnyiɛlɔi lɛ tsuɔ lɛ. Amɛyaa mɛi aŋɔɔ koni amɛyatsɔɔ amɛ nɔ ni Biblia lɛ tsɔɔ yɛ Nyɔŋmɔ Maŋtsɛyeli lɛ he. Yesu kɛɛ ebaaya nɔ efĩ ekaselɔi lɛ asɛɛ yɛ shiɛmɔ nitsumɔ lɛ mli kɛyashi Nyɔŋmɔ Maŋtsɛyeli lɛ baakpata adesai anɔyelii fɛɛ ahiɛ.
Yesu miitsɔ anɔkwa Kristofoi asafo lɛ nɔ eekudɔ mɛi kɛmiiya gbɛ ni baahã amɛná shihilɛ kpakpa lɛ nɔ. Ebaaya nɔ ekudɔ amɛ kɛtsɔ jeŋ fɔŋ nɛɛ hiɛkpatamɔ lɛ mli, ni ekɛ amɛ baaya jeŋ hee ni Nyɔŋmɔ ewo he shi lɛ mli.
Ekolɛ Obaasumɔ Enɛ Hu
SANEBIMƆI NI BIBLIA LƐ EHÃ HETOO
Mɛni Manyɛ Masɔle Mabi?
Kanemɔ sane nɛɛ koni ona nɔ hewɔ ni ebuuu nibii nɛɛ akɛ esa akɛ eku ehiɛ eshwie nɔ lɛ.
SANEBIMƆI NI BIBLIA LƐ EHÃ HETOO
Mɛɛ Gbɛ Nɔ Yesu Hereɔ Mɛi Ayiwala?
Mɛni hewɔ ehe miihia ni Yesu akpa fai ehã wɔ lɛ? Ani hemɔkɛyeli ni wɔbaaná yɛ Yesu mli lɛ pɛ ji nɔ ni baahã ahere wɔyiwala?
