NƆ HEWƆ NI EHE HIAA: Anyɛŋ akɛ nɔ ko ato nii ni Yehowa, ni ji Tsɔɔlɔ Kpele lɛ, tsɔɔ wɔ lɛ he kwraa. Etsɔɔ wɔ bɔ ni wɔbaafee wɔná shihilɛ kpakpa bianɛ. Agbɛnɛ hu, eesaa wɔ eeto shihilɛ ni nɔ bɛ wɔsɛɛ​—ni efeɔ enɛɛmɛi fɛɛ ni wɔwooo he nyɔmɔ ko! (Yes 11:6-9; 30:20, 21; Kpo 22:17) Yehowa tsɔɔ wɔ nii koni wɔnyɛ wɔgba mɛi krokomɛi yiwalaheremɔ sane.​—2Ko 3:5.

BƆ NI OBAAFEE LƐ OHÃ:

• Hã ana akɛ obaa ohe shi, ni ohe jɔ.​—La 25:8, 9

• Mɔ tsɔsemɔ ni Yehowa kɛhãa bo bianɛ lɛ mli, eko ji skulbii anifeemɔi ni yɔɔ otsi teŋ kpeei lɛ mli lɛ

• Okɛ mumɔŋ otii amamɔ ohiɛ.​—Fip 3:13

• Okɛ nibii ashã afɔle koni onyɛ oya ohiɛ.​—Fip 3:8

KWƐMƆ VIDIO NI JI, NII NI YEHOWA ETSƆƆ WƆ LƐ EHÃ WƆNÁ JƆƆMƆI BABAOO LƐ, KONI NO SƐƐ LƐ OHÃ SANEBIMƆI NI NYIƐ SƐƐ LƐ AHETOO:

• Mɛɛ naagbai shiɛlɔi komɛi ye nɔ dani amɛnyɛ amɛtee Skul Kɛhã Maŋtsɛyeli Sane Kpakpa Jajelɔi lɛ eko?

• Mɛɛ tsɔsemɔ mɛi ni yaa Skul Kɛhã Maŋtsɛyeli Sane Kpakpa Jajelɔi lɛ anine shɛɔ nɔ?

• Mɛɛ gbɛ nɔ nyɛmimɛi ni yɔɔ asafoi ni akɛ mɛi ni egbe skul nɛɛ naa lɛ etee mli lɛ eye ebua amɛ?

• Mɛni ataoɔ yɛ mɛi ni miitao amɛya Skul Kɛhã Maŋtsɛyeli Sane Kpakpa Jajelɔi lɛ eko lɛ adɛŋ? (kr 189)

• Mɛɛ tsɔsemɔ kroko onine baanyɛ ashɛ nɔ yɛ Yehowa asafo lɛ mli?