NYƆŊMƆ WIEMƆ LƐ MLI JWETRII | 1 MOSE 32-33
Ani Oofee Bɔ Fɛɛ Bɔ Ni Ooonyɛ Koni Ajɔɔ Bo?
Ja wɔbɔ mɔdɛŋ waa wɔkɛ Maŋtsɛyeli lɛ he nibii eye klɛŋklɛŋ gbɛhe yɛ wɔshihilɛ mli dani Yehowa baajɔɔ wɔ. (1Ko 9:26, 27) Nɔmɔ ni Yakob kɛ ŋwɛibɔfo lɛ nɔ lɛ hãa wɔnaa bɔ ni esa akɛ wɔkɛ hiɛdɔɔ asɔmɔ Yehowa ahã. Kɛ́ wɔfee nibii ni nyiɛ sɛɛ nɛɛ, etsɔɔ akɛ wɔmiifee bɔ fɛɛ bɔ ni wɔɔnyɛ koni Yehowa ajɔɔ wɔ.
-
Wɔhe ni wɔbaasaa jogbaŋŋ kɛhã asafoŋ kpeei
-
Shiɛmɔ ni wɔbaaya daa
-
Wɔhiɛ ni wɔbaamia wɔye wɔbua mɛi yɛ asafo lɛ mli
Ekɔɔɔ he eko bɔ ni ekolɛ shihilɛ ni okɛkpeɔ lɛ mli wa hã lɛ, sɔlemɔ daa obi Yehowa ni eye ebua bo, ni ejɔɔ mɔdɛŋ ni obɔɔ koni osɔmɔ lɛ lɛ nɔ.
BI OHE AKƐ, ‘Mɛɛ shihilɛi amli ehe baahia ni mafee bɔ fɛɛ bɔ ni manyɛ koni Yehowa ajɔɔ mi?’
