Yakob kɛ ŋwɛibɔfo ko shi mple koni ená nɔ ko ni he hiaa waa, ni ji Yehowa jɔɔmɔ. (1Mo 32:24-31; Hos 12:3, 4) Ni wɔ hu? Ani wɔmiisumɔ ni wɔfee bɔ fɛɛ bɔ ni wɔɔnyɛ koni wɔbo Yehowa toi ni ejɔɔ wɔ? Akɛ nɔkwɛmɔnɔ lɛ, kɛ́ ehe bahia ni wɔtsu nii ŋmɛlɛtswai fioo ko kɛfata ŋmɛlɛtswai ni wɔkɛtsuɔ nii lɛ he, ni nakai be lɛ wɔkɛyaa asafoŋ kpee lɛ, mɛni wɔbaafee? Kɛ́ wɔkɛ wɔbe, wɔhewalɛ, kɛ wɔnibii sɔmɔ Yehowa yɛ gbɛ ni hi fe fɛɛ nɔ lɛ, ‘ebaafɔse jɔɔmɔi eshwie wɔnɔ kɛyashi be ni nɔ ko nɔ ko ehiaaa wɔ dɔŋŋ.’ (Mal 3:10) Ebaatsɔɔ wɔ gbɛ, ebaabu wɔhe, ni ebaahã wɔ wɔhiamɔ nii.​—Mat 6:33; Heb 13:5.

KWƐMƆ VIDIO NI JI, KAAHÃ NƆ KO MIIGBALA OJWƐŊMƆ KƐMIIJƐ MUMƆŊ OTII NI OKƐMAMƆ OHIƐ LƐ AHE LƐ, KONI NO SƐƐ LƐ OHÃ SANEBIMƆI NI NYIƐ SƐƐ NƐƐ AHETOO:

• Mɛɛ gbɛ nɔ nɔ ko ni nyɛmi yoo lɛ sumɔɔ lɛ ka lɛ?

• Mɛɛ gbɛ nɔ wɔnitsumɔ baanyɛ afee kaa kɛhã wɔ?

• Eyɛ mli akɛ no mli lɛ Timoteo eda yɛ mumɔŋ moŋ, shi mɛni hewɔ ehe bahia ni eya nɔ ekɛ otii amamɔ ehiɛ lɛ?​—1Ti 4:16

• Te wɔɔfee tɛŋŋ wɔhã ana ‘nɔ ni he hiaa wɔ fe fɛɛ’?