HII SHI AKƐ KRISTOFONYO
Bɔ ni Wɔɔfee Wɔkɛ ‘Nyɛhia Nyɔŋmɔ Suɔmɔ lɛ Mli’ Wolo lɛ Atsu Nii Kɛshɛ Mɛi Atsui He
NƆ HEWƆ NI EHE HIAA: Ja mɛi ekase Yehowa shishitoo mlai lɛ, ni amɛhi shi yɛ naa dani amɛbaanyɛ amɛjá lɛ yɛ gbɛ ni ekpɛlɛɔ nɔ lɛ nɔ. (Yes 2:3, 4) “Nyɔŋmɔ Suɔmɔ” wolo lɛ, ni ji wolo ni ji enyɔ ni wɔkɛ mɛi kaseɔ lɛ, yeɔ ebuaa Biblia mli nikaselɔi koni amɛna bɔ ni amɛbaafee amɛkɛ Biblia mli shishitoo mlai atsu nii yɛ amɛdaa gbi shihilɛ mli. (Heb 5:14) Kɛ́ wɔkɛ amɛmiikase nii lɛ, esa akɛ wɔbɔ mɔdɛŋ wɔshɛ amɛtsuii ahe bɔ ni afee ni amɛna nɔ hewɔ ni esa akɛ amɛfee tsakemɔi ni sa lɛ.
BƆ NI OBAAFEE LƐ OHÃ:
-
Saamɔ ohe jogbaŋŋ, ni ohã onikaselɔ lɛ ahi ojwɛŋmɔ mli. Too sanebimɔi ni baahã ona esusumɔi kɛ bɔ ni enuɔ he ehãa yɛ nɔ ni nyɛkaseɔ lɛ he lɛ he gbɛjianɔ.
—Abɛ 20:5; be 259 -
Okɛ akrabatsai fɛɛ ni yɔɔ wolo lɛ mli lɛ atsu nii bɔ ni afee ni onikaselɔ lɛ ana nɔ hewɔ ni esa akɛ ekɛ Biblia mli shishitoo mlai atsu nii
-
Ye obua onikaselɔ lɛ koni esusu saji ni esa akɛ ekɛ lɛ diɛŋtsɛ ehenilee atsu he nii lɛ ahe jogbaŋŋ, shi kaakpɛ yiŋ ohã lɛ.
—Gal 6:5 -
Kɛ́ oyɔse akɛ ewa kɛhã onikaselɔ lɛ akɛ ekɛ Biblia mli shishitoo mlai komɛi baatsu nii lɛ, okɛ hiɛshikamɔ atsu nii kɛye obua lɛ ni efee nakai. Jɛɛ mlihilɛ mli owo lɛ hewalɛ ni ejɛ suɔmɔ ni eyɔɔ kɛhã Yehowa lɛ mli efee tsakemɔi.
—Abɛ 27:11; Yoh 14:31
