Shiɛmɔ Wiemɔi
AWAKE!
Sanebimɔ: Mɛi babaoo miisumɔ ni amɛná gbɔmɔtsoŋ hewalɛ kpakpa. Mɛni osusuɔ akɛ wɔbaanyɛ wɔfee koni wɔkɛbu wɔhe ni hela akamɔ wɔ?
Ŋmalɛ: Abɛ 22:3
Wolo lɛ Kɛhãmɔ: Awake! nɛɛ wieɔ nibii ni wɔbaanyɛ wɔfee kɛbu wɔhe koni hela akamɔ wɔ lɛ he.
TSƆƆMƆ ANƆKWALE LƐ
Sanebimɔ: Ani Nyɔŋmɔ ji mɔ ni hãa wɔpiŋɔ aloo nibii krokomɛi?
Ŋmalɛ: Hio 34:10
Anɔkwa Sane: Jeee Nyɔŋmɔ ji mɔ ni hãa wɔpiŋɔ. Moŋ lɛ, Abonsam ji mɔ ni kɛ piŋmɔ baa, loo yiŋ gbohii ni adesai kpɛɔ, kɛ bei komɛi lɛ, kɛ́ wɔyaje he ko yɛ be ni esaaa mli. Kɛ́ wɔmiipiŋ lɛ, Nyɔŋmɔ baanyɛ eye ebua wɔ. Esusuɔ wɔ he waa diɛŋtsɛ.
MƐNI HEWƆ ESA AKƐ OKASE BIBLIA LƐ? (Vidio)
Sanebimɔ: Ani osusuɔ akɛ Nyɔŋmɔ ni kudɔɔ je lɛ? [Ŋmɛɛ gbɛ ni ehã hetoo.] Ekolɛ nɔ ni Biblia lɛ kɛɔ yɛ sane nɛɛ he lɛ baahã onaa akpɛ ohe. Vidio ni sɛɛ kɛɛɛ nɛɛ lɛ baahã wɔna hetoo lɛ. [Jiemɔ vidio lɛ.]
Wolo lɛ Kɛhãmɔ: Wolo nɛɛ yitso 11 lɛ wieɔ nɔ hewɔ ni Nyɔŋmɔ eŋmɛ piŋmɔ gbɛ kɛ nɔ ni eto ni ebaafee yɛ he lɛ he. [Okɛ Biblia lɛ Tsɔɔ loo Wɔbaanyɛ Wɔkase wolo lɛ ahã.]
TOO BO DIƐŊTSƐ OSHIƐMƆ WIEMƆ HE GBƐJIANƆ
Kwɛmɔ bɔ ni ato shiɛmɔ wiemɔi ni tsɔ hiɛ lɛ he gbɛjianɔ lɛ nɔ ní oto bo diɛŋtsɛ onɔ he gbɛjianɔ.
Ekolɛ Obaasumɔ Enɛ Hu
WƆHE SAJI
Mɛni Hewɔ Esa Akɛ Okase Biblia Lɛ?
Biblia lɛ miiye eebua mɛi akpekpei abɔ yɛ jeŋ fɛɛ koni amɛná shihilɛ mli sanebimɔi ni he hiaa lɛ ahetoo. Ani obaasumɔ ni oná sanebimɔi nɛɛ ahetoo?
