NƆ HEWƆ NI EHE HIAA: Yehowa hãa anɔkwale wui ni wɔdũɔ yɛ ‘mɛi ni yɔɔ anɔkwale lɛ ni baanyɛ ahã amɛná naanɔ wala lɛ he tsui kpakpa lɛ’ atsuii amli lɛ daraa. (Bɔf 13:48; 1Ko 3:7) Kɛ́ wɔkɛ wɔjwɛŋmɔ tee mɛi ni kɛ nɔ ni amɛkaseɔ lɛ tsuɔ nii lɛ anɔ lɛ, etsɔɔ akɛ wɔkɛ Yehowa efee ekome kɛmiitsu nii. (1Ko 9:26) Ehe miihia ni Biblia mli nikaselɔi ana akɛ, kɛ́ amɛmiitao ni ahere amɛyiwala lɛ, esa akɛ amɛhã abaptisi amɛ. (1Pe 3:21) Kɛ́ wɔye wɔbua amɛ ni amɛfee tsakemɔi yɛ amɛshihilɛ mli, amɛshiɛ ni amɛtsɔɔ mɛi nii, ni amɛjɔɔ amɛwala nɔ amɛhã Yehowa lɛ, etsɔɔ akɛ wɔmiiwa amɛ ni amɛbatsɔmɔ kaselɔi.​—Mat 28:19, 20.

BƆ NI OBAAFEE LƐ OHÃ:

• Kaimɔ o-Biblia mli nikaselɔi lɛ akɛ, nɔ hewɔ ni okɛ amɛ kaseɔ nii lɛ ji, koni ‘amɛbale’ Yehowa ni amɛsa ehiɛ.​—Yoh 17:3

• Wa amɛ ni amɛtsi amɛhe kɛje nanemɛi gbohii ahe, ni amɛye sui gbohii kɛ naagbai krokomɛi anɔ, koni amɛya amɛhiɛ yɛ mumɔŋ

• Wo amɛ hewalɛ be ni abaptisiko amɛ, kɛ be ni abaptisi amɛ sɛɛ fɛɛ.​—Bɔf 14:22

KWƐMƆ VIDIO NI JI, YEHOWA BAAYE ABUA BO LƐ, KONI NO SƐƐ LƐ OHÃ SANEBIMƆI NI NYIƐ SƐƐ LƐ AHETOO:

• Mɛni baanyɛ ahã mɔ ko ashe gbeyei akɛ ebaajɔɔ ehe nɔ ni ehã abaptisi lɛ?

• Mɛni asafoŋ onukpai baanyɛ afee kɛwa Biblia mli nikaselɔi koni amɛya amɛhiɛ yɛ mumɔŋ?

• Mɛni Yesaia 41:10 lɛ tsɔɔ wɔ yɛ Yehowa he?

• Eyɛ mli akɛ wɔyeee emuu moŋ, shi mɛɛ sui baawa wɔ ni wɔsɔmɔ Yehowa jogbaŋŋ?