NƆ HEWƆ NI EHE HIAA: Mɛi ni afɔ amɛ mu lɛ kɛ gwantɛŋi krokomɛi lɛ fɔ̃ɔ gbɔmɛi srɔtoi fɛɛ nine ni ‘amɛbayɛ wala nu lɛ yaka ni aheee amɛ nɔ ko.’ (Kpo 22:17) Mfonirifeemɔŋ nu nɛɛ damɔ shi kɛhã nibii fɛɛ ni Yehowa kɛhãa koni ekɛkpɔ̃ adesai ni boɔ lɛ toi lɛ kɛje esha kɛ gbele mli lɛ. Bɔ ni afee ni wɔnyɛ wɔye wɔbua mɛi ni hiɛ kusumii kɛ hemɔkɛyelii srɔtoisrɔtoi lɛ, esa akɛ wɔkɛ “naanɔ sane kpakpa” lɛ ahã amɛ bɔ ni amɛbaanya he akɛ aŋkroaŋkroi.​—Kpo 14:6.

BƆ NI OBAAFEE LƐ OHÃ:

• Halamɔ sane ko loo ŋmalɛ ko ni mɛi ni yɔɔ oshikpɔŋkuku lɛ mli lɛ baanya he waa. Obaanyɛ ohala shiɛmɔ wiemɔ ko loo sane ko ni okɛtsu nii ni eye omanye. Mɛɛ saji kɛ ŋmalɛi mɛi nyaa he waa? Ani sane ko eba ni ema mɔ fɛɛ mɔ naa? Mɛni nuu loo yoo baanya he?

• Okɛ ŋamɔi kɛ nibii ni mɛi ni yɔɔ he ni oyɔɔ lɛ fɔɔ feemɔ lɛ afata osanegbaa lɛ he.​—2Ko 6:3, 4

• Le woji kɛ vidioi ni yɔɔ Nibii Ni Wɔkɛtsuɔ Nii Kɛtsɔɔ Mɛi Nii lɛ mli lɛ jogbaŋŋ, koni kɛ́ mɔ ko jie miishɛɛ kpo lɛ onyɛ ohã lɛ eko

• Daunlodimɔ nibii yɛ wiemɔi ni mɛi ni okɛfɔɔ kpee lɛ wieɔ lɛ amli

• Tsakemɔ osane lɛ mli ni ekɔ shiatsɛ lɛ he. (1Ko 9:19-23) Akɛ nɔkwɛmɔnɔ lɛ, kɛ́ oná ole akɛ shiatsɛ lɛ mɔ ko gbo etsɛko lɛ, mɛni obaawie?

KWƐMƆ VIDIO LƐ, KONI NO SƐƐ LƐ OHÃ SANEBIMƆI NI NYIƐ SƐƐ NƐƐ AHETOO:

• Be ni shiɛlɔ lɛ je shishi lɛ, mɛɛ sane ekɛ shiatsɛ lɛ gba?

• Mɛɛ shihilɛ shiatsɛ lɛ kɛkpeɔ?

• Ŋmalɛi srɔtoi lɛ ateŋ te nɔ ni sa jogbaŋŋ kɛhã shihilɛ nɛɛ, ni mɛni hewɔ?

• Mɛɛ gbɛ nɔ otsakeɔ sane ni ohiɛ lɛ mli koni oshikpɔŋkuku lɛ mli bii lɛ anya he?