HII SHI AKƐ KRISTOFONYO
Shikpɔŋ Lɛ ‘Mi Faa Lɛ’
Kɛjɛ blema tɔ̃ɔ lɛ, bei komɛi lɛ amralofoi yeɔ amɛbuaa Yehowa webii. (Ezr 6:1-12; Est 8:10-13) Ŋmɛnɛ hu lɛ, wɔna ni “shikpɔŋ lɛ”—je nɛŋ gbɛjianɔtoi komɛi ni nuɔ nii ashishi lɛ—emi ‘faa lɛ,’ ni ji yiwaa ni “drako lɛ,” Satan Abonsam, hãa akɛbaa Nyɔŋmɔ webii anɔ lɛ. (Kpo 12:16) Bei komɛi lɛ, Yehowa, “Nyɔŋmɔ ni hereɔ mɔ yiwala” lɛ, baanyɛ atsirɛ adesai nɔyelɔi komɛi ni amɛye amɛbua ewebii.—La 68:20; Abɛ 21:1.
Shi kɛji awo bo tsuŋ yɛ ohemɔkɛyeli lɛ hewɔ hu? Ná nɔmimaa akɛ, Yehowa hiɛ kpako onɔ. (1Mo 39:21-23; La 105:17-20) Ná nɔmimaa hu akɛ, ebaajwere bo yɛ ohemɔkɛyeli lɛ hewɔ, ni akɛ, anɔkwa ni oyeɔ lɛ woɔ onyɛmimɛi ni yɔɔ jeŋ fɛɛ lɛ hewalɛ.—Fip 1:12-14; Kpo 2:10.
KWƐMƆ VIDIO NI JI, AŊMƐƐ WƆNYƐMIMƐI HII NI AWO AMƐ TSUŊ YƐ KOREA LƐ AHE LƐ, KONI NO SƐƐ LƐ OHÃ SANEBIMƆI NI NYIƐ SƐƐ NƐƐ AHETOO:
-
Yɛ afii ni eho lɛ amli lɛ, mɛni hewɔ awo wɔnyɛmimɛi ni yɔɔ South Korea lɛ ateŋ mɛi akpei abɔ tsuŋ lɛ?
-
Mɛɛ saji komɛi ni aye yɛ kɔɔtu lɛ hã ajie amɛteŋ mɛi komɛi mra?
-
Mɛɛ gbɛi komɛi anɔ wɔbaanyɛ wɔwa wɔnyɛmimɛi ni yɔɔ jeŋ fɛɛ ni awo amɛ tsuŋ yɛ amɛhemɔkɛyeli lɛ hewɔ lɛ?
-
Te esa akɛ wɔkɛ heyeli ni wɔyɔɔ bianɛ lɛ atsu nii ahã tɛŋŋ?
-
Kɛ́ wɔye kunim ko yɛ kɔɔtu lɛ, namɔ esa akɛ wɔŋɔ yijiemɔ lɛ wɔhã?
Te mikɛ heyeli ni miyɔɔ lɛ tsuɔ nii mihãa tɛŋŋ?
