HII SHI AKƐ KRISTOFONYO
Ye Obua Obii Lɛ Ni Amɛná Hemɔkɛyeli Ni Gbugbaaa Yɛ Bɔlɔ Lɛ Mli
Adebɔɔ gbaa Yehowa anunyam lɛ. (La 19:2-5; 139:14) Shi jeŋ ni Abonsam kudɔɔ nɛɛ gbɛɔ susumɔi ni wooo Nyɔŋmɔ hiɛ nyam, ni kɔɔ bɔ ni fee ni wala je shishi lɛ he lɛ eshwãa. (Ro 1:18-25) Te ooofee tɛŋŋ obu obii lɛ ahe koni susumɔi nɛɛ akahe shi yɛ amɛjwɛŋmɔ kɛ amɛtsuii amli? Ye obua amɛ kɛjɛ amɛgbekɛbiiashi ni amɛná hemɔkɛyeli yɛ Yehowa mli akɛ mɔ ko ni yɔɔ diɛŋtsɛ, ni akɛ, esusuɔ amɛhe akɛ aŋkroaŋkro. (2Ko 10:4, 5; Efe 6:16) Bɔɔ mɔdɛŋ waa ni ole nɔ ni amɛsusuɔ diɛŋtsɛ yɛ nɔ ni atsɔɔ amɛ yɛ skul lɛ he, ni okɛ dɛŋdadei babaoo ni yɔɔ lɛ atsu nii kɛshɛ amɛtsuii ahe.
KWƐMƆ VIDIO NI JI, NƆ NI OTIPƐŊFOI KƐƆ
Mɛɛ susumɔ ni ejaaa mɛi pii hiɛ yɛ Nyɔŋmɔ he?
Mɛni atsɔɔ yɛ nyɛskul lɛ?
Mɛni hãa oheɔ oyeɔ akɛ Yehowa yɛ?
Te ooofee tɛŋŋ oye obua mɔ ko koni ehe eye akɛ Nyɔŋmɔ ni bɔ nibii fɛɛ?
Ekolɛ Obaasumɔ Enɛ Hu
SAJI NI OBLAHII KƐ OBLAYEI BIƆ
Adebɔɔ Aloo Sutsakemɔ?—Fã 1: Mɛni Hewɔ Esa akɛ Ohe Nyɔŋmɔ Nɔ Oye?
Ani obaasumɔ ni oná ekãa kɛgbala mli ohã mɔ ko? Naa nibii komɛi ni baaye obua bo ni onyɛ ohã mɔ ko ni baabi ohemɔkɛyeli lɛ he sane lɛ hetoo.
