NƆ HEWƆ NI EHE HIAA: “Gbɔmɔ tsui mli susumɔi tamɔ nui ni mli kwɔlɔ,” ni sanebimɔi tamɔ goga ni akɛbaagbala kɛje kpo. (Abɛ 20:5) Sanebimɔi hãa wɔtoibolɔi lɛ kɛ amɛhe woɔ sanegbaa lɛ mli. Kɛ́ wɔbi mɛi saji ni sa lɛ, hetoi ni amɛbaahã wɔ lɛ baanyɛ ahã wɔle amɛsusumɔi. Yesu kɛ sanebimɔi tsu nii jogbaŋŋ. Te wɔbaafee tɛŋŋ wɔkase lɛ?

BƆ NI OBAAFEE LƐ OHÃ:

• Bi mɛi saji ni baahã ole amɛsusumɔ. Yesu bi ekaselɔi lɛ saji srɔtoi koni enyɛ ele amɛsusumɔ. (Mat 16:13-16; be 238 kk. 3-5) Mɛɛ saji komɛi obaanyɛ obi koni onyɛ ole mɛi asusumɔ?

• Bi mɛi saji ni baahã amɛna hetoo lɛ. Be ni Yesu jajeɔ Petro jwɛŋmɔ lɛ, ebi lɛ saji srɔtoi, ni ehã lɛ hetoi srɔtoi koni ehala amɛteŋ ekome, ni no ye ebua Petro ni ena hetoo ni ja lɛ. (Mat 17:24-26) Mɛɛ saji obaanyɛ obi mɔ ko koni okɛye obua lɛ ni ena hetoo ni ja?

• Jiemɔ otoibolɔ lɛ yi. Be ni woloŋmalɔ ko “kɛ hiɛshikamɔ” hã Yesu hetoo lɛ, Yesu jie eyi. (Mar 12:34) Kɛ́ obi mɔ ko sane ni ehã hetoo jogbaŋŋ lɛ, mɛni obaakɛɛ kɛjie eyi?

KWƐMƆ VIDIO NI JI, TSU NITSUMƆ NI YESU TSU LƐ EKO​—TSƆƆMƆ NII LƐ KLƐŊKLƐŊ FÃ LƐ, KONI NO SƐƐ LƐ OHÃ SANEBIMƆI NI NYIƐ SƐƐ LƐ AHETOO:

• Eyɛ mli akɛ nɔ ni tsɔɔlɔ lɛ tsɔɔ lɛ ja moŋ, shi mɛni hewɔ gbɛ ni etsɔ nɔ etsɔɔ nii lɛ mɔɔɔ shi lɛ?

• Mɛni hewɔ sane ko mli ni wɔbaagbala lɛ pɛ kɛkɛ faaa lɛ?

KWƐMƆ VIDIO LƐ FÃ NI JI ENYƆ LƐ, KONI NO SƐƐ LƐ OHÃ SANEBIMƆI NI NYIƐ SƐƐ LƐ AHETOO:

• Mɛɛ gbɛ nɔ nyɛmi nuu lɛ kɛ sanebimɔi tsu nii jogbaŋŋ?

• Be ni etsɔɔ nii lɛ, mɛɛ nɔ kroko efee ní wɔbaanyɛ wɔkase?