Nyɔŋmɔ Wiemɔ lɛ baanyɛ atsake wɔshihilɛ. (Heb 4:12) Shi ja wɔyiŋ etsɔ akɛ eji “Nyɔŋmɔ wiemɔ” lɛɛlɛŋ dani wɔbaaná emli gbɛtsɔɔmɔi kɛ ŋaawoi lɛ ahe sɛɛ. (1Te 2:13) Mɛni wɔbaanyɛ wɔfee koni hemɔkɛyeli ni wɔyɔɔ yɛ Biblia lɛ mli lɛ mli awa?

Kanemɔ Biblia lɛ fã ko daa gbi. Be ni okaneɔ lɛ, taomɔ nibii ni tsɔɔ akɛ Yehowa ŋɔɔ ejɛ. Akɛ nɔkwɛmɔnɔ lɛ, susumɔ ŋaawoi ni yɔɔ Abɛi awolo lɛ mli lɛ ahe, ni okwɛ bɔ ni amɛkɔɔ wɔhe ŋmɛnɛ hu lɛ.​—Abɛ 13:20; 14:30.

Taomɔ nii amli. Bɔɔ mɔdɛŋ ni ole nibii ni tsɔɔ faŋŋ akɛ ajɛ Nyɔŋmɔ mumɔ lɛ mli aŋma Biblia lɛ. Taomɔ saneyitso ni ji, “Ajɛ Nyɔŋmɔ Mumɔ Lɛŋ Aŋma” lɛ yɛ sane ni yitso ji, “Biblia Lɛ” shishi, yɛ Niiamlitaomɔ Wolo Kɛhã Yehowa Odasefoi lɛ mli. Agbɛnɛ hu lɛ, kɛ́ okane Saji Krokomɛi A3 ni yɔɔ Jeŋ Hee Shishitsɔɔmɔ lɛ mli lɛ, obaahe oye waa akɛ atsakeko saji ni yɔɔ Biblia lɛ mli lɛ hiɛ.

KWƐMƆ VIDIO NI JI, NƆ HEWƆ NI WƆHEƆ WƆYEƆ AKƐ . . . NYƆŊMƆ WIEMƆ LƐ ANƆKWALE NI LƐ, KONI NO SƐƐ LƐ OHÃ SANEBIMƆI NI NYIƐ SƐƐ NƐƐ HETOO:

• Mɛɛ gbɛ nɔ sɔlemɔ shĩa ko gbogbo ni ana yɛ Karnak, yɛ Ejipt lɛ, maa nɔ mi akɛ saji ni yɔɔ Nyɔŋmɔ Wiemɔ lɛ mli lɛ ji anɔkwale?

  Your answer

• Te wɔfeɔ tɛŋŋ wɔleɔ akɛ atsakeko saji ni yɔɔ Biblia lɛ mli lɛ ahiɛ?

  Your answer

• Mɛɛ gbɛ nɔ anɔkwale ni eji akɛ anyɛko akpãtã Biblia lɛ hiɛ lɛ hãa onaa faŋŋ akɛ eji Nyɔŋmɔ Wiemɔ lɛɛlɛŋ?​—Kanemɔ Yesaia 40:8

  Your answer