January 15-21
HIOB 36-37
Lala 147 Kɛ Sɔlemɔ | Hiɛkpamɔ (Min. 1)
1. Obaanyɛ Ohe Oye Waa Akɛ Nyɔŋmɔ Baahã Ohi Shi Kɛya Naanɔ
(Min. 10)
Yehowa yɛ kɛmiiya naanɔ (Hio 36:26; w15 10/1 13 kk. 1-2)
Yehowa hiɛ kã shi, ni eyɛ hewalɛ bɔ ni ebaanyɛ ebaa wɔwala yi (Hio 36:27, 28; w20.05 22 kk. 6)
Yehowa tsɔɔ wɔ bɔ ni wɔbaafee wɔná naanɔ wala (Hio 36:4, 22; Yoh 17:3)
Kɛ́ wɔhe wɔye waa akɛ Nyɔŋmɔ baaye shi ni ewo akɛ ebaahã wɔhi shi kɛya naanɔ lɛ nɔ lɛ, no baawa wɔ ni wɔnyɛ wɔdamɔ naagbai ni wɔkɛkpeɔ lɛ naa.—Heb 6:19; w22.10 28 kk. 16.
2. Pɛimɔ Ŋmalɛi Lɛ Amli Jogbaŋŋ
(Min. 10)
-
Hio 37:20—Yɛ Biblia beiaŋ lɛ, bei pii lɛ te mɛi feɔ tɛŋŋ amɛnuɔ saji? (mwbr24.01 4 kk. 3)
-
Mɛɛ jwetrii oná yɛ otsi nɛɛ Biblia kanemɔ lɛ mli ni obaasumɔ ni owie he?
3. Biblia Kanemɔ
(Min. 4) Hio 36:1-21 (th nikasemɔ 2)
4. Kɛ́ Oyaaje Sanegbaa Shishi
(Min. 3) MAŊ ODASEYELI. (lmd nikasemɔ 3 oti 3)
5. Kɛ́ Oyaatsa Nɔ
(Min. 4) SHĨA FƐƐ SHĨA. (lmd nikasemɔ 2 oti 5)
6. Gbalamɔ Ohemɔkɛyeli Lɛ Mli
(Min. 5) Wiemɔ. ijwfq 57 kk. 5-15—Saneyitso: Mɛni Hewɔ Nazi Nɔyeli Lɛ Wa Yehowa Odasefoi Ayi Be Ni Eka Akɛ Ebaakpãtã Yudafoi Lɛ Ahiɛ Lɛ? (th nikasemɔ 18)
Lala 49
7. Saamɔ Ohe Oto Shihilɛi Ni Baabi Ni Oya Helatsamɔhe
(Min. 15) Sanegbaa. Asafoŋ onukpa ko baatsu he nii.
Yehowa asafo lɛ ehã wɔ dɛŋdadei ni baaye abua wɔ ni wɔye Nyɔŋmɔ mla ni kɔɔ lá he lɛ nɔ. (Bɔf 15:28, 29) Ani okɛ dɛŋdadei nɛɛ miitsu nii jogbaŋŋ?
Durable Power of Attorney (DPA) Kaadi Lɛ Kɛ Identity Card (ic) Lɛ: Kaadi srɔtoi nɛɛ tsɔɔ yiŋ ni mɔ ko ekpɛ yɛ helatsamɔ mli saji ni kɔɔ lá he lɛ he. Shiɛlɔi ni abaptisi amɛ lɛ baanyɛ ayana sɔɔlɔ ni kwɛɔ woji anɔ lɛ koni ehã amɛ DPA kaadi lɛ eko, loo ni ehã amɛ Identity Card (ic) lɛ eko kɛhã amɛbii bibii. Esa akɛ wɔhã kaadi nɛɛ ahi wɔhe be fɛɛ be. Kɛ́ ehe bahia ni oŋmala eko nɔ nii, loo otsake saji ni yɔɔ nɔ lɛ, kaatsi be owo be mli, tsu he nii oya.
Saji Ni Esa Akɛ Yei Ni Hiɛ Hɔ Lɛ Ale (S-401) Kɛ Information for Patients Requiring Surgery or Chemotherapy (S-407): Woji nɛɛ waa wɔ ni wɔsaa wɔhe jogbaŋŋ wɔto helatsamɔ saji ni kɔɔ lá he. Kɛ́ ohiɛ hɔ loo ehe ebahia ni afee bo opireshɛŋ loo ooye kansa ni oyaatsa lɛ, bi osafoŋ onukpai lɛ ni amɛhã bo woji nɛɛ ateŋ nɔ ni kɔɔ oshihilɛ lɛ he lɛ eko.
Ajinafoi Akuu Ni Kɛ Helatsamɔhei Shãraa (HLC): Atsɔse asafoŋ onukpai ni sa ni sɔmɔɔ akɛ HLC lɛ mli bii lɛ ni amɛhã dɔkitafoi kɛ shiɛlɔi ale saji ni kɔɔ lá he. Amɛbaanyɛ amɛkɛ dɔkitafoi awie helatsamɔ gbɛi komɛi ni ahãaa mɔ lá yɛ mli lɛ he. Kɛ́ ehe bahia lɛ, amɛbaanyɛ amɛtao dɔkitafonyo ni baanu bo shishi (koni ekwɛ bo loo obi) amɛhã bo. Obaanyɛ otswa amɛ gbi fɛɛ gbi, ekɔɔɔ he eko bɔ ni atswa. Kɛ́ abaayatsĩ onaa yɛ helatsamɔhe loo ayaafee bo opireshɛŋ, loo abaatsɔ helatsamɔ gbɛ ko nɔ atsa bo, tamɔ ekolɛ ooye kansa ni oyaatsa lɛ, tswaa HLC lɛ mli bii lɛ ateŋ mɔ ko oya nɔŋŋ, kɛ́ etamɔ nɔ ni lá sane eteŋ shi po. Esa akɛ mɛi ni hiɛ hɔ lɛ hu afee nakai nɔŋŋ. Kɛji ootao ni HLC lɛ mli bii lɛ aye abua bo lɛ, bi asafoŋ onukpa ko ni ehã bo amɛteŋ mɔ ko tɛlifoŋ nɔmba.
Jiemɔ VIDIO ni ji, Mɛɛ Gbɛ Nɔ Ajinafoi Akui Ni Kɛ Helatsamɔhei Shãraa Lɛ Yeɔ Amɛbuaa Wɔ? lɛ. No sɛɛ lɛ bi toibolɔi lɛ akɛ:
Mɛɛ gbɛ nɔ HLC lɛ baanyɛ awa bo kɛ́ okɛ shihilɛ ko ni baabi ni oya helatsamɔhe loo afee bo opireshɛŋ kpe?
8. Asafoŋ Biblia Nikasemɔ
(Min. 30) bt yitso 4 kk. 9-12, akrabatsa ni yɔɔ bf. 34
