10:25-37

Be ni mɔ ko babi Yesu akɛ: “Namɔ tuuntu ji minyɛmi?” lɛ, egba nɔkwɛmɔnɔ nɛɛ kɛhã lɛ hetoo. (Luk 10:25-29) Ele akɛ “mɛi srɔtoi fɛɛ” baaba Kristofoi asafo lɛ mli​—Samariabii kɛ Jeŋmajiaŋbii fɛɛ. (Yoh 12:32) Nɔkwɛmɔnɔ nɛɛ tsɔɔ esɛɛnyiɛlɔi lɛ akɛ, esa akɛ amɛbɔ mɔdɛŋ amɛjie suɔmɔ kpo amɛtsɔɔ mɛi fɛɛ, kɛ́ esoro mɛi nɛɛ kwraa po.

BI OHE AKƐ:

• ‘Te minaa nyɛmimɛi ni jɛ maji krokomɛi anɔ lɛ mihãa tɛŋŋ?’

• ‘Ani mɛi ni shihilɛ tamɔ minɔ lɛ titri mikɛbɔɔ?’

• ‘Ani manyɛ magbele mitsui naa mahã nyɛmimɛi Kristofoi ni jɛ shihilɛi krokomɛi amli lɛ, ni male amɛ jogbaŋŋ?’ (2Ko 6:13)

Namɔ manyɛ mafɔ̃ lɛ nine . . .

•  koni mi kɛ lɛ aya shiɛmɔ?

•  kɛba mishĩa lɛ kɛhã niyeli?

•  ni ebafata miweku lɛ he kɛfee wɔ-Weku Jamɔ ni nyiɛ sɛɛ lɛ?