Yehowa ye ebua ohiafoi yɛ blema Israel. Ŋmɛnɛ lɛ, mɛɛ gbɛi komɛi anɔ etsɔɔ eyeɔ ebuaa ewebii ni yeɔ ohia lɛ?

• Etsɔɔ amɛ ni amɛná jwɛŋmɔ ni ja yɛ shika he.​—Luk 12:15; 1Ti 6:6-8

• Eye ebua amɛ ni amɛkana amɛhe akɛ amɛbɛ nɔ ko mli.​—Hio 34:19

• Etsɔɔ amɛ ni amɛtsu nii waa, ni amɛkwa sui ni baanyɛ aye amɛ awui.​—Abɛ 14:23; 20:1; 2Ko 7:1

• Egbala amɛ kɛba Kristofoi asafo ni emli bii lɛ sumɔɔ amɛhe lɛ mli.​—Yoh 13:35; 1Yo 3:17, 18

• Ehãa amɛ hiɛnɔkamɔ.​—La 9:18; Yes 65:21-23

Kɛ́ efee tamɔ nɔ ni hiɛnɔkamɔ ko kwraa bɛ kɛhã wɔ po lɛ, esaaa akɛ wɔyeɔ wɔtsui. (Yes 30:15) Kɛ́ wɔtee nɔ wɔtao Yehowa Maŋtsɛyeli lɛ klɛŋklɛŋ lɛ, no lɛ bɔ fɛɛ bɔ ni fee lɛ, ebaahã wɔ wɔheloonaa hiamɔ nibii.​—Mat 6:31-33.

KWƐMƆ VIDIO NI JI, KAAHÃ OSUƆMƆ LƐ SƐƐ FO KƆKƆƆKƆ . . . KƐ́ OOYE OHIA​—CONGO LƐ, KONI NO SƐƐ LƐ OHÃ SANEBIMƆI NI NYIƐ SƐƐ NƐƐ HETOO:

• Mɛɛ gbɛ nɔ nyɛmimɛi ni yɔɔ maji ni afeɔ kpokpaa wulu nɔ kpeei yɛ mli lɛ amli lɛ jɛɔ suɔmɔ mli amɛfeɔ nyɛmimɛi ni fãa gbɛ kɛbaa kpeei lɛ gbɔ?

• Mɛni ona yɛ vidio lɛ mli ni hã ona akɛ Yehowa sumɔɔ ohiafoi?

• Kɛ́ wɔbɛ nɔ ko tsɔ po lɛ, mɛɛ gbɛ nɔ wɔbaanyɛ wɔkase Yehowa?