KASEMƆ BƆ NI ASHIƐƆ JOGBAŊŊ | NÁ MIISHƐƐ WAA YƐ SHIƐMƆ NITSUMƆ LƐ MLI
Nu He Ohã Mɛi
Kɛ́ mɔ ko nuɔ bɔ ni mɛi susuɔ nii ahe, amɛnuɔ nii ahe, amɛbaa amɛjeŋ amɛhãa, kɛ amɛhiamɔ nii shishi lɛ, belɛ, enuɔ he ehãa mɛi. Kɛ́ wɔnuɔ he wɔhãa mɛi lɛ, mɛi naa, ni kɛ́ wɔmiisumɔ ni wɔye wɔbua mɛi lɛɛlɛŋ lɛ, no baatsirɛ wɔ ni wɔnu he wɔhã amɛ. Kɛ́ wɔnu he wɔhã mɛi yɛ shiɛmɔ nitsumɔ lɛ mli lɛ, etsɔɔ akɛ wɔmiikase bɔ ni Yehowa jieɔ suɔmɔ kpo ni ejwɛŋɔ mɛi ahe lɛ, ni no hãa mɛi sumɔɔ akɛ amɛle lɛ.—Fip 2:4.
Ejeee su ko kɛkɛ ni wɔjieɔ lɛ kpo kɛ́ wɔmiitsɔɔ nii; kɛ́ wɔjɛ bulɛ mli wɔbo mɛi toi jogbaŋŋ lɛ, no tsɔɔ akɛ wɔnuɔ he wɔhãa amɛ, ni anaa enɛ yɛ bɔ ni wɔkɛ amɛ wieɔ, bɔ ni wɔfeɔ wɔnii, kɛ bɔ ni wɔtseɔ wɔhiɛ wɔhãa amɛ lɛ mli. Kɛ́ wɔfó mɔ ko nɔ mli lɛ, belɛ, wɔnuɔ he wɔhãa lɛ. Wɔhãa nibii ni esumɔɔ, nibii ni eheɔ eyeɔ, kɛ shihilɛ mli ni eyɔɔ lɛ hiɔ wɔjwɛŋmɔ mli. Wɔwoɔ lɛ ŋaa kpakpa ni wɔwaa lɛ, shi wɔnyɛɛɛ enɔ doo ni etsake. Kɛ́ mɛi ni wɔshiɛɔ wɔtsɔɔ lɛ hã wɔwa amɛ lɛ, wɔnáa miishɛɛ waa.
KWƐMƆ VIDIO NI JI, OBAANYƐ ONÁ MIISHƐƐ BE NI OFEƆ MƐI KASELƆI LƐ—YAA OHIƐ YƐ GBƐ NI OTSƆƆ NƆ OTSƆƆ NII LƐ MLI—NU HE OHÃ MƐI LƐ, KONI NO SƐƐ LƐ OHÃ SANEBIMƆI NI NYIƐ SƐƐ NƐƐ HETOO:
-
Be ni Jade kpe sɛɛ lɛ, mɛni Anita fee kɛtsɔɔ akɛ enuɔ he ehãa lɛ?
-
Be ni Jade kɛɛ ehao waa hewɔ lɛ enyɛŋ ekase nii lɛ, mɛni Anita fee kɛtsɔɔ akɛ enuɔ he ehãa lɛ?
-
Kɛ́ wɔnu he wɔhã mɛi lɛ, no hãa mɛi sumɔɔ akɛ amɛle Yehowa
Be ni Jade kɛɛ eleee bɔ ni atoɔ nibii ahe gbɛjianɔ lɛ, mɛni Anita fee kɛtsɔɔ akɛ enuɔ he ehãa lɛ?
