Yehowa jieɔ suɔmɔ ni tsakeee kpo jogbaŋŋ fe mɔ fɛɛ mɔ. (La 103:11) Suɔmɔ nɛɛ jeee suɔmɔ ni anáa ahãa mɔ ko be kukuoo ko, kɛkɛ lɛ esɛɛ efo. Eji suɔmɔ ni mli wa ni sɛɛ efooo ni hãa atuɔ he ahãa mɔ ko. Yehowa jie su nɛɛ kpo etsɔɔ ewebii ni ji Israelbii lɛ yɛ gbɛi srɔtoi pii anɔ. Ejie amɛ kɛje nyɔŋyeli mli yɛ Ejipt ni ekɛ amɛ tee Shiwoo Shikpɔŋ lɛ nɔ. (La 105:42-44) Ewu ehã ewebii lɛ, ni ekɛ amɛhe eshai ke amɛ shii abɔ. (La 107:19, 20) Be ni wɔyaa nɔ wɔjwɛŋɔ “nibii ni Yehowa efee kɛjie suɔmɔ ni tsakeee kpo” lɛ anɔ lɛ, no kanyaa wɔ ni wɔkase lɛ.​—La 107:43.

KWƐMƆ VIDIO NI JI, “JWƐŊMƆ NIBII NI YEHOWA EFEE KƐJIE SUƆMƆ NI TSAKEEE KPO LƐ ANƆ” LƐ, KONI NO SƐƐ LƐ OHÃ SANEBIMƆI NI NYIƐ SƐƐ NƐƐ HETOO:

• Mɛɛ gbɛi anɔ wɔbaanyɛ wɔtsɔ wɔjie suɔmɔ ni tsakeee kpo?

  Your answer

• Mɛni hewɔ esa akɛ wɔkɛ nibii komɛi ashã afɔle koni wɔnyɛ wɔjie suɔmɔ ni tsakeee kpo?

  Your answer