Esa akɛ mɛi ni miisumɔ ni amɛtsɔmɔ Nyɔŋmɔ Maŋtsɛyeli lɛ shishi bii lɛ akase nibii fɛɛ ni kɔɔ Maŋtsɛyeli lɛ he kɛ nɔ ni enyɛ etsu lɛ he nii. Mɛni hewɔ? Ejaakɛ enɛ baawaje hemɔkɛyeli ni amɛyɔɔ akɛ Nyɔŋmɔ Maŋtsɛyeli lɛ miiye nɔ lɛ, ni ebaatsirɛ amɛ ni amɛgba mɛi krokomɛi Nyɔŋmɔ Maŋtsɛyeli lɛ he sane kpakpa lɛ. (La 45:2; 49:4) Be ni okwɛɔ vidio ni ji, Maŋtsɛyeli Lɛ—Nɔ ni Enyɛ Etsu yɛ Afii 100 Mli lɛ, taomɔ sanebimɔi ni nyiɛ sɛɛ nɛɛ ahetoo:

1. Mɛni hewɔ “Photo-Drama of Creation” vidio lɛ ji jɔɔmɔ kɛhã mɛi ni kwɛ lɛ?

2. Mɛɛ gbɛ nɔ akɛ redio tsu nii kɛshiɛ sanekpakpa lɛ?

3. Mɛɛ gbɛi krokomɛi hu anɔ atsɔ ashiɛ sanekpakpa lɛ, ni mɛni jɛ mli kɛba?

4. Mɛɛ gbɛ nɔ atee nɔ atsɔse mɛi koni amɛnyɛ amɛshiɛ jogbaŋŋ yɛ afii ni eho lɛ amli?

5. Mɛɛ tsɔsemɔ ni sa jogbaŋŋ mɛi ni tee Gilead Skul lɛ eko lɛ nine shɛ nɔ?

6. Mɛɛ gbɛ nɔ kpokpaa wuji anɔ kpeei eye ebua kɛtsɔse Yehowa webii?

7. Mɛni hãa oheɔ oyeɔ akɛ Nyɔŋmɔ Maŋtsɛyeli lɛ miiye nɔ?

8. Mɛni wɔbaanyɛ wɔfee kɛtsɔɔ akɛ wɔfĩɔ Nyɔŋmɔ Maŋtsɛyeli lɛ sɛɛ?