Nɔ ni mɛi naa kɛ nɔ ni amɛnuɔ lɛ náa amɛnɔ hewalɛ, no hewɔ lɛ kɛ́ amɛkwɛ vidio lɛ, etaa amɛtsuiŋ waa. Ni enɛ hãa amɛjwɛŋmɔ hiɔ nɔ ni amɛkwɛɔ lɛ nɔ, ni ekaa amɛjwɛŋmɔŋ. Yehowa kɛ nibii ni anaa lɛ tsɔɔ nii, ni ekɛfeɔ nɔkwɛmɔnɔ ni nɔ bɛ ehãa wɔ.—Bɔf 10:9-16; Kpo 1:1.

Vidioi ni ji, Ani Nyɔŋmɔ yɛ Gbɛ́i?, Namɔ Ji Biblia lɛ Ŋmalɔ?, kɛ Te Wɔbaafee Tɛŋŋ Wɔle akɛ Biblia lɛ Ja? lɛ hãa anuɔ nikasemɔ 2 kɛ 3 ni yɔɔ Sanekpakpa wolo lɛ mli lɛ shishi jogbaŋŋ. Vidioi ni ji, Mɛni Hewɔ Esa akɛ Okase Biblia Lɛ?, Mɛni Yaa Nɔ yɛ Biblia Nikasemɔ Feemɔ Mli?, kɛ Mɛni Yaa Nɔ yɛ Maŋtsɛyeli Asa lɛ Nɔ? lɛ woɔ mɛi hewalɛ ni amɛhã wɔkɛ amɛ akase Biblia lɛ loo ni amɛba asafoŋ kpeei. Wɔbaanyɛ wɔkɛ vidioi lɛ ekomɛi hu atsu nii kɛ́ wɔmiifee Biblia mli nikasemɔ.—km 5/13 3.

• Tsɔ hiɛ odaunloodi vidio ni obaasumɔ ni ojie otsɔɔ shĩatsɛ lɛ

• Tsɔ hiɛ oto sanebimɔ kome loo enyɔ ni vidio lɛ baahã hetoo lɛ he gbɛjianɔ

• Nyɛfea ekome kɛkwɛa vidio lɛ

• Okɛ lɛ asusu otii ni yɔɔ mli lɛ ahe

• Okɛ wɔtrati srɔtoi lɛ eko sɛɛ atsɔɔ lɛ, ni ogbala ejwɛŋmɔ kɛya okadi ni askaniɔ ni kɛ mɔ yaa vidio ni ji, Mɛni Hewɔ Esa akɛ Okase Biblia Lɛ? nɔ lɛ nɔ

• Jiemɔ vidio ni ji, Te Wɔbaafee Tɛŋŋ Wɔle akɛ Biblia lɛ Ja? lɛ, ni owie nikasemɔ 3 ni yɔɔ Sanekpakpa wolo lɛ mli lɛ he, ni okɛhã