HII SHI AKƐ KRISTOFONYO
Mɛni Obaanyɛ Okase Yɛ Kristofoi Ni Yɔɔ Niiashikpamɔ Lɛ Adɛŋ?
Wɔyɛ mɛi ni kɛ afii nyɔŋmai abɔ esɔmɔ Yehowa yɛ wɔsafoi lɛ amli. Wɔbaanyɛ wɔkase bɔ ni amɛkɛ amɛhe fɔ̃ɔ Yehowa nɔ kwraa lɛ. Wɔbaanyɛ wɔbi amɛ ni amɛgba wɔ Yehowa asafo lɛ yinɔsane, loo naagbai ni amɛkɛkpe ní Yehowa ye ebua amɛ kɛtsu he nii lɛ he sane. Wɔbaanyɛ wɔfɔ̃ nyɛmimɛi ni asumɔɔ nɛɛ ateŋ mɔ kome po nine kɛba wɔgbɛkɛ Weku Jamɔ shishi ni ebagba wɔ eniiashikpamɔi.
Kɛ́ oji Kristofonyo ni yɔɔ niiashikpamɔ lɛ, kaashashao shi akɛ obaagba mɛi ni darako lɛ oniiashikpamɔi lɛ. Yakob kɛ Yosef gba amɛweku lɛ mli bii lɛ nibii ni Yehowa efee ehã amɛ lɛ. (1Mo 48:21, 22; 50:24, 25) Sɛɛ mli lɛ, Yehowa kɛɛ weku yitsei ni amɛtsɔɔ amɛbii lɛ enaakpɛɛ nitsumɔi lɛ. (5Mo 4:9, 10; La 78:4-7) Ŋmɛnɛ lɛ, fɔlɔi kɛ asafoŋbii krokomɛi lɛ baanyɛ agba gbekɛbii lɛ naakpɛɛ nibii ni amɛna ni Yehowa etsɔ esafo lɛ nɔ efee lɛ.
KWƐMƆ VIDIO NI JI, AMƐTEE NƆ AMƐFEE EKOME BE NI ATSI SHIƐMƆ NITSUMƆ LƐ NAA LƐ, KONI NO SƐƐ LƐ OHÃ SANEBIMƆI NI NYIƐ SƐƐ NƐƐ AHETOO:
-
Mɛɛ gbɛ nɔ Austria nitsumɔhe nine lɛ ye bua wɔnyɛmimɛi ni yɔɔ maji komɛi ni atsĩ wɔnitsumɔ lɛ naa yɛ jɛmɛ lɛ?
-
Mɛɛ gbɛ nɔ nyɛmimɛi ni yɔɔ maji nɛɛ anɔ lɛ tee nɔ amɛwaje amɛhemɔkɛyeli lɛ?
-
Mɛni hewɔ shiɛlɔi ni yɔɔ Romania lɛ ateŋ mɛi pii tse amɛhe kɛje Yehowa asafo lɛ he lɛ, ni te fee tɛŋŋ amɛku amɛsɛɛ lɛ?
-
Mɛɛ gbɛ nɔ niiashikpamɔi nɛɛ ewaje ohemɔkɛyeli lɛ?
Taomɔ mumɔŋ jwetrii yɛ Kristofoi ni yɔɔ niiashikpamɔ lɛ atsuiiaŋ!
