Shiɛmɔ Wiemɔi
BUU-MƆƆ
Sanebimɔ: Mɛi babaoo le wiemɔ ni yɔɔ ŋmalɛ nɛɛ mli lɛ, ani bo hu ole?
Ŋmalɛ: Yoh 3:16
Wolo lɛ Kɛhãmɔ: Buu-Mɔɔ nɛɛ tsɔɔ bɔ ni obaafee oná amanehulu ni Yesu na lɛ kɛ egbele lɛ he sɛɛ.
BUU-MƆƆ (wolo lɛ sɛɛ)
Sanebimɔ: Kwɛmɔ sanebimɔ nɛɛ kɛ hetoi srɔtoi ni abaanyɛ akɛhã yɛ he. [Kanemɔ klɛŋklɛŋ sanebimɔ lɛ, kɛ hetoi srɔtoi ni abaanyɛ akɛhã lɛ.] Te obaahã hetoo ohã tɛŋŋ?
Ŋmalɛ: Mat 4:1-4
Wolo lɛ Kɛhãmɔ: Akɛni Abonsam kɛ Yesu gba sane ni eka lɛ hewɔ lɛ, wɔnaa faŋŋ akɛ Abonsam jeee efɔŋ he okadi ko kɛkɛ. Mɛni hu Biblia lɛ kɛɔ yɛ Abonsam he? Sane ni yɔɔ biɛ lɛ wieɔ he babaoo.
KAIMƆ LƐ HE NINEFƆƆ
Wolo lɛ Kɛhãmɔ: Wɔmiifɔ mɛi nine kɛmiiya nifeemɔ ko ni he hiaa waa shishi. [Okɛ ninefɔɔ wolo lɛ ahã shiatsɛ lɛ.] Yɛ March 23 lɛ, mɛi akpekpei abɔ baabua amɛhe naa yɛ je lɛŋ fɛɛ kɛkai Yesu Kristo gbele lɛ, ní amɛbo Biblia mli wiemɔ ko ni tsɔɔ bɔ ni wɔbaanyɛ wɔná egbele lɛ he sɛɛ lɛ toi, ni aheŋ shika. Ninefɔɔ wolo nɛɛ tsɔɔ be kɛ he ni abaafee kpee lɛ yɛ, yɛ okutso lɛ mli. Ofainɛ bɔɔ mɔdɛŋ ni oba, kɛ́ obaanyɛ.
TOO BO DIƐŊTSƐ OSHIƐMƆ WIEMƆ HE GBƐJIANƆ
Kwɛmɔ bɔ ni ato shiɛmɔ wiemɔi ni tsɔ hiɛ lɛ he gbɛjianɔ lɛ nɔ koni oto bo diɛŋtsɛ onɔ he gbɛjianɔ.
