Ato Namɛi Feɔ Yehowa Suɔmɔnaa Nii Ŋmɛnɛ? wolo lɛ he gbɛjianɔ koni akɛ Biblia mli nikaselɔi akase be fɛɛ be ni akɛ amɛ baakase nii lɛ. Abaanyɛ akɛ amɛ akase dani aje nikasemɔ lɛ eko fɛɛ eko shishi loo kɛ́ agbe naa. * Nikasemɔ 1 kɛyashi 4 lɛ hãa nikaselɔi lɛ naa mɛi ni wɔji, nikasemɔ 5 kɛyashi 14 lɛ hãa amɛleɔ nibii ni wɔfeɔ lɛ he saji, ni nikasemɔ 15 kɛyashi 28 lɛ hãa amɛleɔ wɔgbɛjianɔtoo lɛ he saji babaoo. Ehi akɛ nyɛbaato naa kɛkase nii lɛ bɔ ni nikasemɔi lɛ yɔɔ yɛ wolo lɛ mli lɛ, ja ekolɛ nyɛmiitao ni nyɛsusu nikasemɔ pɔtɛɛ ko he kɛtsu yiŋtoo ko he nii. Nikasemɔ lɛ eko fɛɛ eko yɛ baafa kome pɛ, ni abaanyɛ asusu he yɛ minitii enumɔ kɛmiimɔ nyɔŋma mli.

• Bi sane ni ji nikasemɔ lɛ saneyitso lɛ

• Nyɛkanea kukuji lɛ amli; nyɛbaanyɛ nyɛkane fɛɛ kɛyagbe naa loo nyɛbaanyɛ nyɛkane yɛ kukuji lɛ anaa

• Nyɛsusua nɔ ni nyɛkaneɔ lɛ he. Nyɛsusua sanebimɔi ni yɔɔ baafa lɛ shishigbɛ lɛ kɛ mfonirii lɛ ahe. Nyɛkanea ŋmalɛi ni atsɛ yisɛɛ shi aŋmalako amɛmli wiemɔi lɛ ateŋ nɔ ni sa, ní nyɛsusu he. Hã ena akɛ saneyitsei bibii ni adiki mli lɛ hãa nikasemɔ lɛ saneyitso lɛ hetoo

• Kɛ́ akrabatsa ni ji, “Taomɔ Nibii Krokomɛi Kɛfata He” yɛ nikasemɔ lɛ mli lɛ, nyɛkanea, ni owo nikaselɔ lɛ hewalɛ ni ekɛ ŋaawoo ni akɛhã yɛ jɛmɛ lɛ atsu nii