NƆ HEWƆ NI EHE HIAA: Korintobii Aklɛŋklɛŋ Wolo lɛ ji lɛtai 14 ni bɔfo Paulo ŋmala kɛwo enanemɛi Kristofoi hewalɛ lɛ ateŋ ekome. Kɛ́ ooŋma mɔ ko lɛta lɛ, onáa hegbɛ ohalaa wiemɔi ni sa, ni mɔ lɛ hu baanyɛ akane shii abɔ. Eji gbɛ ni hi ni wɔtsɔɔ nɔ wɔyeɔ wɔwekumɛi kɛ mɛi krokomɛi ni wɔle lɛ odase. Ewaa wɔ ni wɔnyɛɔ wɔyeɔ mɛi ni wɔnyɛɛɛ wɔkɛ amɛ awie hiɛ kɛ hiɛ lɛ odase hu. Akɛ nɔkwɛmɔnɔ lɛ, ekolɛ mɔ ko baanya wiemɔ lɛ he, shi efɔɔɔ shĩa tamɔ. Ewa akɛ wɔnine baashɛ mɛi ni yɔɔ wɔshikpɔŋkuku lɛ mli lɛ ateŋ mɛi komɛi anɔ ejaakɛ afo hei ni amɛyɔɔ lɛ ahe, ahãaa mɔ fɛɛ mɔ kɛkɛ aba jɛmɛ, loo jɛmɛ etse ehe banee. Mɛɛ nibii komɛi esa akɛ ehi wɔjwɛŋmɔ mli, titri lɛ, kɛ́ wɔmiiŋma mɔ ko ni wɔleee lɛ lɛta?

BƆ NI OBAAFEE LƐ OHÃ:

• Ŋmaa nɔ ni eji mɔ lɛ damɔ ohiɛ kulɛ, obaakɛɛ lɛ lɛ. Jiemɔ ohe shi yɛ lɛta lɛ shishijee nɔŋŋ, ni otsɔɔ nɔ hewɔ ni oŋmaa lɛta lɛ mli faŋŋ. Obaanyɛ obi sane ko ni baahã mɔ lɛ asusu nii ahe, ni ogbala ejwɛŋmɔ kɛya wɔwɛbsaiti lɛ nɔ. No sɛɛ lɛ, tsɔɔmɔ lɛ bɔ ni wɔkɛ mɛi kaseɔ Biblia lɛ yɛ shĩa wɔhãa, loo tsĩi woji ni wɔkɛ mɛi kaseɔ lɛ eko mli saneyitsei lɛ ekomɛi atã. Obaanyɛ okɛ jw.org kaadi lɛ, ninefɔɔ wolo ko, loo trati ko awo envelope lɛ mli

• Hã efee kuku. Kɛ́ oŋmala saji pii lɛ, ekanemɔ baaje mɔ lɛ hiɛ.​—Kwɛmɔ lɛta henɔ lɛ

• Kanemɔ mli okwɛ akɛ tɔmɔi yɛ mli ni ekanemɔ yɛ mlɛo lo. Kwɛmɔ akɛ mɔ lɛ baanya wiemɔi ni okɛtsu nii yɛ lɛta mli lɛ ahe lo. Okɛ stamp ni fa bɔ ni sa akpɛtɛ sɛɛ