Naagbai ni wɔkɛkpeɔ lɛ baanyɛ ahã wɔnijiaŋ aje wui, titri lɛ, kɛ́ efee tamɔ nɔ ni amɛsɛɛ miitsɛ. David le akɛ naagbai ni Maŋtsɛ Saul kɛbaa enɔ lɛ sɛɛ baafo kɛ̃, ni akɛ, wɔsɛɛ lɛ ebaatsɔ maŋtsɛ taakɛ Yehowa ewo shi lɛ. (1Sa 16:13) Hemɔkɛyeli ni David yɔɔ lɛ wa lɛ ni eto etsui shi emɛ Yehowa.

Kɛ́ wɔkɛ naagba ko miikpe lɛ, ekolɛ wɔkɛ hiɛtɛ̃ɛ, jwɛŋmɔ, loo nilee baatsu nii koni wɔkɛfo sɛɛ. (1Sa 21:12-14; Abɛ 1:4) Shi naagbai lɛ ekomɛi yɛ ni kɛ́ wɔdamɔ Biblia mli shishitoo mlai anɔ wɔfee bɔ fɛɛ bɔ ni wɔbaanyɛ po lɛ, amɛyaaa. Kɛ́ eba lɛ nakai lɛ, esa akɛ wɔto wɔtsui shi wɔmɛ Yehowa. Etsɛŋ, ebaahã wɔnɔnai fɛɛ sɛɛ afo, ni ‘ebaatsumɔ wɔhiŋmɛiiaŋ yaafonui fɛɛ.’ (Kpo 21:4) Kɛ́ Yehowa hã wɔnaagba lɛ sɛɛ fo jio, nɔ kroko hã esɛɛ fo jio lɛ, wɔle anɔkwa sane kome ko, ni no ji: Naagbai fɛɛ asɛɛ baafo gbi ko kɛ̃. Anɔkwa sane nɛɛ baanyɛ ahã wɔtsui anyɔ wɔmli.

KWƐMƆ VIDIO NI JI, WƆFEE EKOME YƐ BƆ NI MƐI AMLI EGBALA LƐ FƐƐ SƐƐ LƐ, KONI NO SƐƐ LƐ OHÃ SANEBIMƆI NI NYIƐ SƐƐ NƐƐ HETOO:

• Mɛɛ naagbai nyɛmimɛi komɛi ni yɔɔ United States wuoyigbɛ lɛ kɛkpe?

• Mɛɛ gbɛ nɔ amɛto amɛtsui shi ni amɛjie suɔmɔ kpo?

• Mɛɛ gbɛ nɔ amɛtee nɔ amɛkɛ amɛjwɛŋmɔ ma “nibii ni he hiaa waa lɛ” anɔ?​—Fip 1:10