April 1-7
LALA 23-25
Lala 4 Kɛ Sɔlemɔ | Hiɛkpamɔ (Min. 1)
1. “Yehowa Ji Tookwɛlɔ Ni Kwɛɔ Minɔ”
(Min. 10)
Yehowa nyiɛɔ wɔhiɛ (La 23:1-3; mwbr24.03 8 kk. 4)
Yehowa buɔ wɔhe (La 23:4; mwbr24.03 8 kk. 5)
Yehowa lɛɔ wɔ (La 23:5; mwbr24.03 9 kk. 1)
Yehowa kwɛɔ etsuji tamɔ bɔ ni tookwɛlɔ ni yɔɔ suɔmɔ kwɛɔ etoi lɛ.
BI OHE AKƐ, ‘Mɛɛ gbɛ nɔ Yehowa kwɛɔ mi?’
2. Pɛimɔ Ŋmalɛi Lɛ Amli Jogbaŋŋ
(Min. 10)
La 23:3—Mɛni ji “jalɛ gbɛi” lɛ? Ni mɛni baahã wɔkaje nɔ? (w11 2/15 24 kk. 1-3)
Mɛɛ jwetrii oná yɛ otsi nɛɛ Biblia kanemɔ lɛ mli ni obaasumɔ ni owie he?
3. Biblia Kanemɔ
(Min. 4) La 23:1–24:10 (th nikasemɔ 5)
4. Kɛ́ Oyaaje Sanegbaa Shishi
(Min. 3) ODASE NI AYEƆ BE NI ANYIƐƐƐ SHIƐMƆ NƆ. Mɔ ko kɛɛ bo akɛ bɔ ni afiteɔ koi, fai kɛ kɔɔyɔɔ lɛ mli lɛ miigba enaa. Kanemɔ ŋmalɛ ko ni shɛjeɔ mɔ mii ohã lɛ. (lmd nikasemɔ 2 oti 5)
5. Kɛ́ Oyaatsa Nɔ
(Min. 4) SHĨA FƐƐ SHĨA. Okɛ mɔ ko ni ohã lɛ Oyi Aná Wala Kɛya Naanɔ! broshuɔ lɛ eko lɛ akase efã ko, koni ena bɔ ni wɔkɛ mɛi kaseɔ Biblia lɛ wɔhãa. (lmd nikasemɔ 9 oti 3)
6. Kɛ́ Oofee Mɛi Kaselɔi
(Min. 5) lff nikasemɔ 14 oti 4 (lmd nikasemɔ 11 oti 3)
Lala 54
7. Wɔbooo Mɛikpɔji Agbee Toi
(Min. 15) Sanegbaa.
Gwantɛŋi le tookwɛlɔ ni kwɛɔ amɛ lɛ gbee ni amɛnyiɛɔ esɛɛ. Shi kɛ́ amɛnu mɔkpɔŋ ko gbee lɛ amɛjoɔ foi. (Yoh 10:5) Nakai nɔŋŋ wɔ hu wɔboɔ Yehowa kɛ Yesu toi, ejaakɛ amɛ ji Tookwɛlɔi ni yɔɔ suɔmɔ ni anyɛɔ amuɔ afɔ̃ɔ amɛnɔ ni kwɛɔ wɔ. (La 23:1; Yoh 10:11) Shi wɔbooo mɛikpɔji ni bɔɔ mɔdɛŋ akɛ amɛbaatsɔ “lakamɔ wiemɔi” anɔ amɛgbɔjɔ wɔhemɔkɛyeli lɛ toi.—2Pe 2:1, 3.
Awie be klɛŋklɛŋ ni anu mɔkpɔŋ gbee yɛ shikpɔŋ lɛ nɔ lɛ he yɛ 1 Mose 3 lɛ mli. Satan tsɔ onufu nɔ ekɛ Hawa wie koni ekana mɔ tuuntu ni kɛ lɛ wieɔ. Efee tamɔ nɔ ni esumɔɔ Hawa sane, ni etsɔmɔ nibii ni Yehowa ekɛɛ Hawa lɛ hiɛ koni Hawa anu he akɛ Yehowa moŋ ni sumɔɔɔ esane. Dɔlɛ sane ji, Hawa bo lɛ toi, ni no hã lɛ kɛ eweku lɛ fɛɛ na nɔ waa.
Ŋmɛnɛ lɛ, Satan tsɔɔ saji fɔji, amalei kɛ saji komɛi ni ji anɔkwale shi akɛ amale efutu mli lɛ anɔ ebɔɔ mɔdɛŋ koni ehã wɔyiŋ afee wɔ enyɔnyɔɔnyɔ yɛ Yehowa kɛ esafo lɛ he. Kɛ́ wɔnu mɔkpɔŋ ko gbee lɛ, esa akɛ wɔjo foi! Kɛ́ wɔhã wɔtoi yaŋɔɔ wɔ ni wɔbo mɔkpɔŋ ko gbee toi be kukuoo ko po lɛ, ebaanyɛ efee oshãra. Yɛ anɔkwale mli lɛ, Satan kɛ Hawa ewieee pii ni enine shɛ enɔ. (1Mo 3:1, 4, 5) Shi kɛ́ mɔ ko ni ole, ekolɛ mɔ ko ni sumɔɔ osane ni ehiɛɛɛ jwɛŋmɔ fɔŋ miitao ekɛɛ bo Yehowa asafo lɛ he sane fɔŋ ko hu?
Jiemɔ VIDIO ni ji, Kaabo “Mɛikpɔji Agbee” Toi lɛ. No sɛɛ lɛ bi toibolɔi lɛ akɛ:
Mɛni okaseɔ yɛ bɔ ni Jade fee enii ehã lɛ mli, be ni emami ni ejeee Odasefonyo lɛ miitao ekɛɛ lɛ Yehowa asafo lɛ he sane fɔŋ ko lɛ?
8. Asafoŋ Biblia Nikasemɔ
(Min. 30) bt yitso 8 kk. 1-4, akrabatsai ni yɔɔ bf. 61-62
