9:1-7

Be ni Yesu nu yɛ ninaa lɛ mli akɛ e-Tsɛ ni yɔɔ ŋwɛi lɛ miiwie akɛ eyɛ ehe miishɛɛ lɛ, kɛ́ okwɛ lɛ, te Yesu nu ehã tɛŋŋ? Ŋwanejee ko bɛ he akɛ, enɛ waje lɛ koni enyɛ ekpee piŋmɔ ni kã ehiɛ lɛ naa. Ninaa nɛɛ ná Petro, Yakobo, kɛ Yohane hu nɔ hewalɛ waa. Amɛna faŋŋ akɛ, Yesu ji Mesia lɛ, ni eja gbɛ akɛ amɛbo lɛ toi. Petro hiɛ kpaaa ninaa nɛɛ nɔ, ejaakɛ aaafee afii 32 sɛɛ lɛ, ewie he, ni etsɔɔ bɔ ni no hã hemɔkɛyeli ni eyɔɔ yɛ “gbalɛ wiemɔ lɛ” mli lɛ mli wa fe tsutsu lɛ.​—2Pe 1:16-19.

Eyɛ mli akɛ wɔbɛ jɛmɛ be ni ajie ninaa ni yɔɔ naakpɛɛ nɛɛ kpo lɛ moŋ, shi wɔmiina emlibaa lɛ. Amrɔ nɛɛ, Yesu miiye nɔ akɛ Maŋtsɛ ni yɔɔ hewalɛ. Etsɛŋ, ‘ebaagbe ekunimyeli lɛ naa,’ ni no baagbele gbɛ kɛhã jalɛ jeŋ hee lɛ.​—Kpo 6:2.

Mɛɛ gbɛ nɔ Biblia mli gbalɛi ni onaa akɛ amɛmiiba mli lɛ ehã ohemɔkɛyeli lɛ mli ewa?