Suɔmɔ ji gluu ni kpɛɔ weku efeɔ lɛ ekome. Kɛ́ suɔmɔ bɛ weku ko mli lɛ, emli bii lɛ nyɛŋ afee ekome ni amɛye amɛbua amɛhe. Mɛɛ gbɛ nɔ wumɛi, ŋamɛi, kɛ fɔlɔi baanyɛ ajie suɔmɔ kpo yɛ weku lɛ mli?

Wu ni yɔɔ suɔmɔ lɛ hãa eŋa hiamɔ nii, esusumɔi, kɛ bɔ ni enuɔ he ehãa lɛ hiɔ ejwɛŋmɔ mli. (Efe 5:28, 29) Ehãa eweku lɛ mli bii lɛ amɛhiamɔ nii, ni ewaa amɛ ni amɛtsi amɛbɛŋkɛ Yehowa, ni gbɛ kome ni etsɔɔ nɔ efeɔ nakai ji, gbɛkɛ Weku Jamɔ ni ehãa amɛfeɔ daa otsi. (1Ti 5:8) Ŋa ni yɔɔ suɔmɔ lɛ baa ehe shi ewoɔ ewu shishi, ni ejieɔ “bulɛ ni mli kwɔ” kpo etsɔɔ lɛ. (Efe 5:22, 33; 1Pe 3:1-6) Esa akɛ amɛkɛ amɛhe akekee amɛhe tswaa. (Efe 4:32) Fɔlɔi ni yɔɔ suɔmɔ lɛ susuɔ amɛbii lɛ ateŋ mɔ fɛɛ mɔ he, ni amɛtsɔɔ amɛ nii koni amɛsumɔ Yehowa. (5Mo 6:6, 7; Efe 6:4) Mɛɛ naagbai amɛbii lɛ kɛkpeɔ yɛ skul? Te amɛtsuɔ naagbai ni amɛkɛkpeɔ yɛ amɛtipɛŋfoi ateŋ lɛ ahe nii amɛhãa tɛŋŋ? Kɛ́ suɔmɔ fa yɛ weku ko mli lɛ, emli bii lɛ fɛɛ nuɔ he akɛ amɛyɛ shweshweeshwe.

KWƐMƆ VIDIO NI JI, JIEMƆ SUƆMƆ NI SƐƐ EFOOO KPO YƐ OWEKU LƐ MLI LƐ, KONI NO SƐƐ LƐ OHÃ SANEBIMƆI NI NYIƐ SƐƐ NƐƐ AHETOO:

• Mɛɛ gbɛ nɔ wu ni yɔɔ suɔmɔ lɛ lɛɔ eŋa ni edɔɔ ehe?

• Mɛɛ gbɛ nɔ ŋa ni yɔɔ suɔmɔ lɛ jieɔ bulɛ ni mli kwɔ kpo etsɔɔ ewu?

• Mɛɛ gbɛ nɔ fɔlɔi ni yɔɔ suɔmɔ lɛ tĩɔ Nyɔŋmɔ Wiemɔ lɛ mli shii abɔ amɛtsɔɔ amɛbii lɛ?