Be ni je nɛɛ naagbee lɛ bɛŋkɛɔ lɛ, wɔle akɛ basabasafeemɔ, awuiyeli, kɛ tai baafa. (Kpo 6:4) Mɛni wɔbaanyɛ wɔfee kɛsaa wɔhe wɔto naagbai ni baaba wɔsɛɛ lɛ?

• Saamɔ ohe oto yɛ mumɔŋ: Kadimɔ Biblia mli saji kɛ shishitoo mlai ni baahã ohe Yehowa kɛ esafo lɛ oye waa, ni oya nɔ ofĩ Nyɔŋmɔ Maŋtsɛyeli lɛ pɛ sɛɛ. (Abɛ 12:5; jr 125-126 kk. 23-24) Bianɛ ji be ni esa akɛ ohã naanyobɔɔ ni yɔɔ okɛ asafo lɛ mli bii lɛ ateŋ lɛ mli awa waa.​—1Pe 4:7, 8

• Saamɔ ohe oto yɛ heloŋ: Too gbɛjianɔ ni baahã ofee shweshweeshwe kɛ́ ehe bahia ni ohi he ko be kpalaŋŋ, ni okɛ nibii ni fa bɔ ni sa ato kɛhã nakai be lɛ. Too gbɛjianɔ hu yɛ nɔ ni obaafee kɛ́ ehe bahia ni oshi kɛya he kroko lɛ he. Kwɛmɔ nibii ni yɔɔ o-go bag lɛ mli lɛ, ni okɛ shika kɛ nibii tamɔ gloves kɛ face masks awo mli. Le bɔ ni obaafee onine ashɛ asafoŋ onukpai lɛ anɔ, kɛ bɔ ni amɛ hu amɛbaafee amɛnine ashɛ onɔ.​—Yes 32:2; g17.5-E 3-7

Be ni basabasafeemɔ miiya nɔ lɛ, yaa nɔ ofee nibii ni ofeɔ kɛjáa Yehowa lɛ. (Fip 1:10) Kaashi kɛtee he kroko, ja ehe miihia waa ni ofee nakai. (Mat 10:16) Okɛ mɛi aja niyenii kɛ nibii krokomɛi.​—Ro 12:13.

KWƐMƆ VIDIO NI JI, ANI OSAA OHE OTO OSHÃRA? LƐ, KONI NO SƐƐ LƐ OHÃ SANEBIMƆI NI NYIƐ SƐƐ NƐƐ HETOO:

• Mɛɛ gbɛ nɔ Yehowa baanyɛ awa wɔ be ni oshãra eba?

• Mɛɛ nibii wɔbaanyɛ wɔfee kɛsaa wɔhe wɔto oshãra?

• Mɛni wɔbaanyɛ wɔfee kɛwa mɛi ni oshãra enina amɛ?