Yesu kɛ saji ni eba tsu nii kɛtsɔɔ nii. (Luk 13:1-5) Bo hu obaanyɛ okɛ saji ni eba atsu nii bɔ ni baahã mɛi anya Maŋtsɛyeli sane lɛ he. Obaanyɛ owie bɔ ni nibii ajara ewa, adebɔɔ naa oshãra ko ni eba, basabasafeemɔ ko ni miiya nɔ, tsofai ni akɛtsuɔ nii yɛ gbɛ ni esaaa nɔ, loo nɔ ko ni tamɔ nakai lɛ he, kɛkɛ lɛ obi sane ko ni hãa mɔ susuɔ nii ahe waa. Obaanyɛ obi akɛ: “Ani osusuɔ akɛ . . . sɛɛ baafo gbi ko?” loo “Kɛ́ okwɛ lɛ, mɛni baahã . . . sɛɛ afo?” No sɛɛ lɛ, kanemɔ ŋmalɛ ko ni kɔɔ sane lɛ he. Kɛ́ mɔ lɛ nya sane lɛ he lɛ, gbalamɔ ejwɛŋmɔ kɛya vidioi loo woji ni yɔɔ wɔ-Nitsɔɔmɔ Dɛŋdadei Titrii lɛ mli lɛ eko nɔ. Be ni wɔbɔɔ mɔdɛŋ ni wɔshɛ mɛi ni yɔɔ wɔshikpɔŋkuku lɛ mli lɛ atsuii ahe lɛ, nyɛhãa ‘wɔfea nibii fɛɛ yɛ sane kpakpa lɛ hewɔ.’​—1Ko 9:22, 23.

Mɛɛ saji ekolɛ mɛi ni yɔɔ oshikpɔŋkuku lɛ mli lɛ baanya he?