HII SHI AKƐ KRISTOFONYO
Ohiɛ Ahi Ohe Nɔ Yɛ Jamɔkwalɔi Ahe
Bei pii lɛ, Satan kɛ mɛi ni ekudɔɔ lɛ kɛ amalei futuɔ anɔkwalei koni amɛkɛhã wɔhemɔkɛyeli lɛ mli agbɔjɔ. (2Ko 11:3) Akɛ nɔkwɛmɔnɔ lɛ, Asiriabii lɛ kɛ amalei futu saji komɛi ni ji anɔkwale yɛ gbɛ ko nɔ lɛ koni amɛkɛhã Yehowa webii lɛ anijiaŋ aje wui. (2Kr 32:10-15) Ŋmɛnɛ lɛ, jamɔkwalɔi feɔ amɛnii yɛ nakai gbɛ nɔŋŋ nɔ. Te esa akɛ wɔfee wɔnii wɔhã tɛŋŋ yɛ amɛtsɔɔmɔi lɛ ahe? Esa akɛ wɔna amɛtsɔɔmɔi lɛ akɛ pɔizin! Kaakane eko, kaahã amɛ hetoo, ni kaawie he otsɔɔ mɛi hu. Hã ohiɛ ahi ohe nɔ yɛ saji ni asɔ̃ koni ehã oyiŋ afee bo enyɔnyɔɔnyɔ yɛ Yehowa kɛ esafo lɛ he lɛ ahe, ni otsi ohe kɛje he!—Yu 3, 4.
KWƐMƆ VIDIO NI JI, ‘MIAMƆ OHIƐ WAA KƐWU HEMƆKƐYELI LƐ HE TA LƐ’!—VIDIO LƐ FÃ KO LƐ, KONI NO SƐƐ LƐ OHÃ SANEBIMƆI NI NYIƐ SƐƐ NƐƐ HETOO:
-
Mɛni hewɔ esa akɛ wɔhã wɔhiɛ ahi wɔhe nɔ kɛ́ wɔkɛ mɛi miigba sane yɛ Intanɛt lɛ nɔ?
-
Mɛɛ gbɛ nɔ wɔbaanyɛ wɔkɛ ŋaawoo ni yɔɔ Romabii 16:17 lɛ atsu nii?
