Sane ni akɛ mɛi gbaa be ni anyiɛɛɛ shiɛmɔ nɔ lɛ ji gbɛ kome ni hi waa ni wɔtsɔɔ nɔ wɔyeɔ mɛi odase, ni ehãa wɔnáa miishɛɛ waa hu. Fɛɛ sɛɛ lɛ, kɛ́ wɔye wɔtsui fe nine yɛ bɔ ni wɔbaafee wɔwie Biblia lɛ he yɛ sanegbaa lɛ mli lɛ, wɔbaashashao shi akɛ wɔkɛ mɛi baagba sane. No hewɔ lɛ, kaaye otsui fe nine yɛ bɔ ni obaafee oye mɔ lɛ odase lɛ he, moŋ lɛ, feemɔ nɔ ko ni tsɔɔ akɛ osusuɔ ehe. (Mat 22:39; Fip 2:4) Kɛ́ nyɛhiɛ sanegbaa lɛ mli ni hegbɛ ko ba ni obaanyɛ owie ohemɔkɛyeli lɛ he lɛ, oyɛ dɛŋdadei pii ni obaanyɛ okɛtsu nii.

Kɛ́ okɛ mɔ ko miigba sane ni sane ko ni obaanyɛ oye lɛ odase yɛ he te shi lɛ, mɛɛ gbɛ nɔ dɛŋdadei nɛɛ baanyɛ awa bo?

KWƐMƆ VIDIO NI JI, “DADE JƆƆ DADE NAA”​—BƆ NI WƆƆFEE WƆKƐ MƐI AJE SANEGBAA SHISHI LƐ, KONI NO SƐƐ LƐ OHÃ SANEBIMƆ NI NYIƐ SƐƐ NƐƐ HETOO:

Mɛɛ otii etɛ baanyɛ awa wɔ ni wɔhe asa yɛ bɔ ni akɛ mɛi gbaa sane ahãa lɛ mli?