HII SHI AKƐ KRISTOFONYO
Ná Hesai Pii Yɛ Shiɛmɔ Nitsumɔ Lɛ Mli—Tɛlifoŋ Nɔ Odaseyeli
NƆ HEWƆ NI EHE HIAA: Tɛlifoŋ nɔ odaseyeli ji gbɛ ko ni he hiaa ni wɔtsɔɔ nɔ ‘wɔyeɔ sane kpakpa lɛ he odase fitsofitso.’ (Bɔf 20:24) * Ehãa wɔnyɛɔ wɔyeɔ mɔ ko ni wɔnyɛŋ wɔkɛ lɛ agba sane hiɛ kɛ hiɛ lɛ odase.
BƆ NI OBAAFEE LƐ OHÃ:
-
Saamɔ ohe. Halamɔ sane ko ni sa. No sɛɛ lɛ, ŋmalamɔ nɔ ni obaasumɔ ni owie kɛ bɔ ni obaasumɔ ni owie lɛ ohã lɛ yɛ wolo nɔ. Agbɛnɛ hu, obaanyɛ otao sane kuku ko ni obaawie kɛtsɔɔ nɔ hewɔ ni otswa lɛ mli kɛ́ answering machine here bo nɔ. Ehi akɛ obaata okpɔlɔ sɛɛ, ní ohiɛ shiɛmɔ lɛ he wolo ni ofee lɛ kɛ nibii krokomɛi ni he baahia bo, tamɔ ilɛtrɔnik tsɔne ni agbele JW Library® loo jw.org® yɛ nɔ
-
Gbɛjɛmɔ ohe. Wiemɔ tamɔ owieɔ daa lɛ. Tse ohiɛ ni ofee onii tamɔ nɔ ni mɔ lɛ miina bo. Kaafee diŋŋ kpitiokpitio bɔ ni he ehiaaa. Ehi akɛ mɔ kome loo mɛi enyɔ baafata ohe. Kɛ́ shiatsɛ lɛ bi sane ko lɛ, tĩi mli koni mɔ ni fata ohe lɛ anu ni enyɛ ewa bo kɛtao hetoo lɛ
-
Too gbɛjianɔ kɛhã sɛɛkuukɛsaramɔ. Kɛ́ mɔ lɛ nya sane lɛ he lɛ, obaanyɛ oshi sanebimɔ ko ni obaahã hetoo kɛ́ otswa lɛ ekoŋŋ. Obaanyɛ okɛɛ lɛ hu akɛ, okɛ wolo ko baasɛndi lɛ kɛtsɔ e-mail nɔ, bo diɛŋtsɛ okɛbaabahã lɛ, loo okɛbaamaje lɛ kɛtsɔ post ɔfis. Loo okɛ wɔvidioi lɛ loo saji ni asafo lɛ eŋmala lɛ eko baasɛndi lɛ kɛtsɔ tɛs mɛseji loo e-mail nɔ. Kɛ́ ehe bahia lɛ, kɛɛmɔ mɔ lɛ ni eya wɔwɛbsaiti lɛ nɔ ni eyakwɛ loo eyakane nɔ kroko yɛ jɛmɛ
^ kk. 3 Kɛ́ anyɛɔ ayeɔ tɛlifoŋ nɔ odase yɛ he ni oyɔɔ lɛ, esa akɛ oye mlai ni kɔɔ bɔ ni esa akɛ abu mɛi ahe saji ni ahiɛ lɛ ahe ahã lɛ ahe lɛ nɔ.
