8:6-9, 12; 9:1-5, 23, 24

Be ni ahole Aaron kɛ ebihii lɛ osɔfoi lɛ, Yehowa hã la bashã amɛklɛŋklɛŋ shãa afɔle lɛ wɛlɛŋŋ. Enɛ hã ana akɛ, Yehowa ekpɛlɛ nɔ akɛ Aaron kɛ eweku lɛ aye osɔfo. Yɛ gbɛ ko nɔ lɛ, Yehowa miikɛɛ Israelbii ni ebua amɛhe naa ni na nɔ ni tee nɔ lɛ akɛ, amɛjɛ amɛtsuiŋ fɛɛ amɛfi osɔfoi lɛ asɛɛ. Ŋmɛnɛ lɛ, Yehowa kɛ Maŋtsɛ Yesu Kristo miitsu nii akɛ Osɔfonukpa ni fe blema osɔfonukpai lɛ kwraa. (Heb 9:11, 12) Yɛ afi 1919 mli lɛ, Yesu hala mɛi ni afɔ amɛ mu lɛ ateŋ hii fioo ko akɛ “nyɔŋ anɔkwafo kɛ hiɛshikalɔ lɛ.” (Mat 24:45) Mɛni tsɔɔ akɛ Yehowa miijɔɔ nyɔŋ anɔkwafo lɛ, efiɔ amɛsɛɛ, ni ekpɛlɛɔ amɛnɔ?

• Eyɛ mli akɛ atee nɔ awa nyɔŋ anɔkwafo lɛ yi moŋ, shi etee nɔ ehã wɔ mumɔŋ niyenii

• Aashiɛ sane kpakpa lɛ “yɛ shikpɔŋ lɛ nɔ fɛɛ” tamɔ bɔ ni agba lɛ.​—Mat 24:14

Mɛni wɔbaanyɛ wɔfee kɛtsɔɔ akɛ wɔfiɔ nyɔŋ anɔkwafo kɛ hiɛshikalɔ lɛ sɛɛ kɛ wɔtsui muu fɛɛ?